آخـــر الــمــواضــيــع

شقة للبيع 165م بمدينة نصر عباس العقاد موقع مميز ودور مميز لقطة شقة للبيع بمدينة نصر 100 م من عبا » الكاتب: مستشارك العقارى » آخر مشاركة: مستشارك العقارى البعد الأدنى والخطوط » الكاتب: رضا البطاوى » آخر مشاركة: رضا البطاوى مؤشر اسعار المستهلكين الاسترالي فجرا 22/10/2014 من forexyard » الكاتب: fxyard » آخر مشاركة: fxyard تحليل زوج اليورو دولار EUR / USD اليوم 22-10-2014 من StmFX » الكاتب: StmFX » آخر مشاركة: StmFX مؤشر اسعار المستهلكين الاسترالي فجرا 22/10/2014 من forexyard » الكاتب: fxyard » آخر مشاركة: fxyard مؤشر اسعار المستهلكين الاسترالي فجرا 22/10/2014 من forexyard » الكاتب: fxyard » آخر مشاركة: fxyard مؤشر اسعار المستهلكين الاسترالي فجرا 22/10/2014 من forexyard » الكاتب: fxyard » آخر مشاركة: fxyard ليس للجاذبية وجود » الكاتب: رضا البطاوى » آخر مشاركة: رضا البطاوى شقق بالتجمع الخامس - اللوتس بتسهيلات تصل 72 شهر اوخصم 6 % » الكاتب: شركةالعلامةالعقارية » آخر مشاركة: شركةالعلامةالعقارية تحليل زوج EUR / USD اليوم 21-10-2014 من StmFX » الكاتب: StmFX » آخر مشاركة: StmFX
النتائج 1 إلى 7 من 7

الموضوع: مشروع الإسكان القومى

  1. #1
    مدير عام
    تاريخ التسجيل
    Feb-2012-14
    المشاركات
    4,879

    Thumbs down مشروع الإسكان القومى




    القاهرة- محرر مصراوي-

    شهدت أولى أيام حجز شقق فى مدينة 6 أكتوبر ضمن مشروع الإسكان القومى، هجوماً من المواطنين بلغ المئات، أمام بنك الإسكان والتعمير فرع البحر الأعظم، تسبب فى تعطيل حركة المرور.

    وقالت تقارير صحفية وتليفزيونية ان الشباب تسلق المواسير وأكتاف بعضهم البعض ليصلوا لشبابيك الموظفين فى الدور الثاني حتى يقبلوا طلباتهم، وبالفعل كانت تلك الطريقة الوحيدة ليحصلوا على الفرصة فى دخول القرعةعلى 5 آلاف وحدة سكنية فى مدينة 6 أكتوبر ضمن المشروع.
    المثير أن عدد كبير منهم حضر منذ السادسة صباحا على أمل الحصول على شقة أيا كانت مواصفاتها.

    وقالت جيهان فرج الله "أول ما جينا صدمنا بلوحة الشروط المكتوبة هنا.. فى الجرايد كتبوا أن المرتب لازم يكون اقل من 1000 جنيه، ولما جينا لقينا أن كمان فى حد أدنى لمرتب المتقدم للحصول على الطلب وهو 640 جنيه".
    ووصف محمد محمود الذى جاء مع خطيبته حسناء حسن تلك الشروط بالتعجيزية وقال"أنا والدى يعمل فى الحكومة منذ 28 سنه ومرتبه 450 جنيه فما بالك بقى باللي لسه معينين".

    ووسط طابور السيدات، انطلقت صرخات تعلن عن وقوع حالة الإغماء كانت الثالثة، وذلك نتيجة الحر والشمس والتزاحم وعدم التنظيم كلها عوامل تضافرت ضد المواطنين البسطاء الذين يحلم كل منهم باختياره ضمن القرعة، فهذة السيدة المسنة بالرغم من إغماءها رفضت ان تترك مكانها في الطابور لتحجز لإبنها شقة وعلى لسانها جملة واحدة "لازم أحجز له.. لازم".

    تأتى الـ5 الاف وحدة سكنية التى تم الاعلان عنها ضمن المرحلة الثالثة فى المشروع القومي للإسكان، الذى تساءل الموجودين عن المراحل السابقة وأين ذهبت وحداتها، وتضمنت شروط التقدم للحصول على شقة ألا يقل سن المتقدم عن 20 سنه، وألا يزيد عن 50 سنه. على أن يدفع المواطن 5 الاف جنيه كمقدم حجز ثم يدفع قسط شهريا قيمته 160 جنيه، وتزداد سنويا بنسبة 7.5% لمدة عشرين عاما.

    يذكر أن الشقق السكنية التابعة لوزارة الإسكان تعد من أرخص الشقق ولذلك يلجأ إليها الشباب للحجز فيها بشكل سريع لأنها تصبح من وجهة نظرهم فرصة ويجب اقتناصها خاصة وأن الحكومة تدعم هذه الشقق عن طريق الدفع بالأقساط المريحة.

  2. #2
    مدير عام
    تاريخ التسجيل
    Feb-2012-15
    المشاركات
    10,887

    افتراضي

    كل المشاريع الاسكانيه بتواجه مشاكل حاليا

    انا حاجزه وحده سكنيه في مشروع اسكان المهندسين باحد المدن الجديده دفعنا مقدم حجز 15 الف وكل شهر بدفع قسط شهري 1500 جنيه والكلام دا من سنه ولحد الان لم يتم حتى حفر الاساس

    وكل فترة يتصلوا بيا ويقولوا عايزين سيوله ابعتي 3 اللاف ولا جديد

    للاسف المقاولين في المشروعات الي زي دي بيعملوا مشاكل كتير

    وخصوصا مع موضوع ارتفاع سعر الحديد

    وللعلم الاقساط زادة مدتها وان لم تزيد قيمتها

    ربنا يكون في عون الشعب المصري

    ويكون في عون الام الي بعتبرها مناضله وبتجاهد في طابور الشقق

  3. #3
    مدير عام
    تاريخ التسجيل
    Feb-2012-14
    المشاركات
    4,879

    افتراضي

    حلوة حكاية يتصلوا يقولوا لك عايزين سيولة ديه ..


    ده هزار ولا جد ؟؟

  4. #4
    مدير عام
    تاريخ التسجيل
    Feb-2012-15
    المشاركات
    10,887

    افتراضي

    والله لسه امبارح واصلني رساله بيقولوا عايزين سيوله رغم اني الشهر الي فات دفعت 6 الاف دفعه مقدمه

    وكل فتره يبعتوا رساله كده وبدل ما ادفع 1500 قسط الشهر ادفع 3000 مثلا او زياده

    وحتى اليوم لم يتم عمل اي شيء في المشروع والمفروض ميعاد استلام الوحدات السكنيه بعد سنه

    ومره بقول للمسؤل بتاع المشروع القسط قالي متعتبرهاش قسط لو معاكي ادفعي وخلصي من الي عليكي لاننا في حاجه للسيوله

  5. #5
    مدير عام
    تاريخ التسجيل
    Feb-2012-14
    المشاركات
    4,879

    افتراضي

    بس فيه شىء اسمه العقد ..
    وده اللى بيحدد إلتزاماتك وإلتزاماتهم فيما يخص قيم ومواعيد الأقساط
    ومواعيد التسليم ..

  6. #6
    مدير عام
    تاريخ التسجيل
    Feb-2012-15
    المشاركات
    10,887

    افتراضي

    العقود في حالة زي دي لا يتم امضائها الا بعد اكتمال الوحده و استلامها

    كل ما في الامر اني دفعت رسوم اشتراك في مشروع تابع لنقابة المهندسين وعقد مبدأي وباخد صورة من وصل السداد مع كل مبلغ ادفعه كحفظ لحقي وللمبالغ الي دفعتها

    انا معرفش اي حد في النقابه حتى اتابع معه الاخبار او ان كان في متضررين من الامر دا

    احنا بندفع كل ما توفر معانا مبلغ قيمة على بعضها مع الالتزام بالقسط الشهري واهو اسمي بخلص من دين وسبق وان قلت اني بكره الاقساط لانها بشكل او باخر هي دين

    لم افكر في الرجوع للعقد المبدأي لكن في حالة مع ناس مثلا مش متوفر ليهم او الي جي على قد الي رايح يتصرفوا ازاي في مثل هذه الوعود الكاذبه؟؟

    تسليم المشروع كان من المفترض يكون 2009 امتد ل 2010 والله اعلم هيمتد لحد امتى

    ؟؟؟؟؟

  7. #7
    iscandarnia
    زائر

    افتراضي

    ده اية اللي انا باقراه ده

    اية ده الكلام ده بجد

    والله ما عارفة ان كنت اضحك ولا ابكي علي حال الناس الغلابة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. المشروع القومى للإسكان
    بواسطة eltayer في المنتدى رصيف العقار المصري
    مشاركات: 3
    آخر مشاركة: 25-Jun-2010, 09:40 PM
  2. مشاركات: 0
    آخر مشاركة: 19-Mar-2008, 08:23 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

جميع الحقوق لموقع ومنتدى المحطة