آخـــر الــمــواضــيــع

فى مسائل القسمة » الكاتب: رضا البطاوى » آخر مشاركة: رضا البطاوى بالفيديو و الصور مستشفى تلقى بمريض فى القمامة » الكاتب: شمس العصور » آخر مشاركة: شمس العصور هبة قطب و عمرو الليثى فى حوار حول الصحة الجنسية » الكاتب: أبهى النجوم » آخر مشاركة: أبهى النجوم الجدول الاقتصادي 14/9/2014 من forexyard » الكاتب: fxyard » آخر مشاركة: fxyard فيديو لضابط يجهض سيدة على قناة صدى البلد » الكاتب: شمس العصور » آخر مشاركة: شمس العصور قراءة الأعداد فى القرآن » الكاتب: رضا البطاوى » آخر مشاركة: رضا البطاوى موقع للمكالمات المجانية .. يعطيك 60 دقيقة يوميا مجانا » الكاتب: منار عواد » آخر مشاركة: منار عواد مشاهدة قنوات بي ان سبورت المشفرة اون لاين مجانا » الكاتب: منار عواد » آخر مشاركة: منار عواد تعلم اللغات الأجنبية: أفضل مواقع لتعليم اللغات الأجنبية على الإنترنت » الكاتب: منار عواد » آخر مشاركة: منار عواد أنظمة العد تاريخيا » الكاتب: رضا البطاوى » آخر مشاركة: رضا البطاوى
صفحة 1 من 2 12 الأخيرةالأخيرة
النتائج 1 إلى 15 من 16

الموضوع: الأمثال الشعبية المصرية

  1. #1
    بنت البلد الصورة الرمزية سما مصر
    تاريخ التسجيل
    Mar-2007-18
    المشاركات
    2,427

    افتراضي الأمثال الشعبية المصرية

    الأمثال الشعبية

    رسمت معالم الحياة الاجتماعية المصرية

    ورصدت أنماط من السلوك الانسانى.. وقدمت صور من حياتنا فى مصر

    و يكاد يندثر من استعمالاتنا اليومية (( استخدام الامثال )) فى لغة الحوار

    فما رأيكم لو أعدناها الى الذاكرة وحاولنا ان نرصد ما نعرفة منها

    سأحاول ان اكتب من الامثال ماتحملة ذاكرتى وكل منا يحاول

    ان يرصد فى هذا الموضوع مايعرفة من الامثال الشعبية






    الأمثال العالقة فى ذهنى

    اللى ايدة فى المية مش زى اللى ايدة فى النار

    :0510:

    ** ** تراعينى قيراط اراعيك قراطين

    :36_1_39[1]:


    *** تحلف لي أصدقك أشوف افعالك استعجب


    :36_7_6[1]:


    قالة علمنى الهيافة يابابا قالة تعالى فى الهيفة واتصدر

    :36_1_2[1]:


    ماتتجوزش السهتانه ام قصه ولبانه تاكل وتعمل عيانه

    :004: :004:


    ** لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه

    :36_1_20[1]:


    من منكم يتذكر المزيد من الأمثلة

    تعالوا نعمل قاموس الأمثلة



    :178:

  2. #2
    مدير عام
    تاريخ التسجيل
    Feb-2012-15
    المشاركات
    10,887

    افتراضي

    فكره حلوه وخصوصا ان الحجات دي مش منتشره اوي دلوقت

    بحب مثل

    القرد في عين امه غزال

    ويا مامنه للرجال يا مامنه للميا في الغربال

    خنفسه شافت عيالها على الحيط قالت لولي ملضوم في خيط

    الي داخل بيتك يا حاسدك يافاسدك

    افتكرلك تاني واجيلك

  3. #3
    المحطواتية الأولى(مفتش عام) الصورة الرمزية Alex lover
    تاريخ التسجيل
    Mar-2007-17
    المشاركات
    4,277

    افتراضي

    اكفي القدرة على فومها تطلع البنت لأمها
    يا داخل بين البصلة وقشرتها ما ينوبك الا ريحتها
    اسمع كلامك اصدقك اشوف امورك استعجب
    .








    .

  4. #4
    مدير عام الصورة الرمزية أبو حميد
    تاريخ التسجيل
    Feb-2012-14
    الدولة
    مصر - الكويت
    المشاركات
    9,970

    افتراضي

    الى مايشوفش من الغربال يبقى اعمى

    ودنك منين ياجحا

    ابنك ما يبقاش ابنك الا لما تجيبه من فوق كراسى قلبك

    قالوا الجمل طلع النخلة آدى الجمل و آدى النخلة

    أدعي على ابنى و أكره اللى يقول آمين

    أربط الحمار مطرح ما يحب صاحبه

    أصحاب العقول فى راحة

    أصطلح الفار على العرسة و نسيوا الهتيكة و الجرسة

    أعمل الخير و أرميه فى بحر جاري و إن ضاع عند العبد ما يضعش عند الباري

    أفطروا و أتمخطروا و أتغدوا و أتمدوا و أتعشوا و أتمشوا

    أفطر بيه قبل ما يتغدى بيك

    اللى ما يرضى بالخوخ يرضى بشرابه

    اللى معاه قرش و محيره يجيب حمام و يطيره

    إن طلع العيب من أهل العيب ما يبقاش عيب

  5. #5
    راكب درجة أولى الصورة الرمزية nora
    تاريخ التسجيل
    Mar-2007-17
    الدولة
    cairo-egypt
    المشاركات
    6,873

    افتراضي

    يموت الزمار وصوابعه بتلعب



    اللي متحبش تشوف وشه يجي يوم وتتمنى تشوف قفاه



    الحظ لما يواتي يخلى الأعمى ساعاتي ، والمكسح عجلاتي


    لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه


    خنفسه شافت ولادها على الخيط ، قالت : ده لولي ملضوم في خيط


    الشايب لما يدلع زي الباب المخلع


    في الوش مرايه والقفا سلاية


    أدى البخوت لمكركتين الروس وذوات شعر خيلي بختهم موكوس


    الحلوة لما تقوم من النوم ، والوحشة لما تغسل وشها كل يوم


    من بره هالله هالله ، ومن جوا يعلم الله



    أقلب القدرة على فهمها ، تطلع البت لأمها



    المتعوس متعوس لو حطه على بابه فانوس



    قليل البخت يطلع له عظم في الكرشة



    قلبي على ولدى انفطر ، وقلب ولدى عليا حجر



    القرعة تتباهى بشعر بنت أختها



    قالوا للحرامي احلف ، قال ( جالك الفرج )



    يا مصبر الوحش على الجحش



    اللهم طولك يا روح على هذا اللوح


    لحمتك مشغته ليه ، قالهم اصل الجزار معرفة






    اللي تقول عليه موسى يطلع فرعون



    قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو




  6. #6
    نور المحطة الصورة الرمزية lumière
    تاريخ التسجيل
    Sep-2007-07
    الدولة
    أعيش في عالمي
    المشاركات
    14,492

    افتراضي

    . ابن أدم فى التفكير والرب فى التدبير

    · أبو جاموسه يحسد أبو معزه

    · أبو ميه يحسد أبو دفيه

    · احيينى النهاردة وموتنى بكرة

    · ادلعى ياعوجه فى السنة السودة

    · ادينى اليوم صوف وخد بكرة خروف

    · اقول تور يقول أحلبوه

    · أنا وأخويا على أبنى عمى وأنا وأبن عمى على الغريب

    · أهى ارض سودة والطاعم اللة

    · الأيد اللى ماتضربش تستاهل قطعها

    · أيد واحده ماتصقفش

    · بارك الله فى المرأة الغريبة والزرعة القريبة

    · البحر ما يتعكرش من ترعة

    · البركه فى اللمة

    · البركه فى كتر الأيدى

    · بصلة المحب خروف

    · البيت بيت أبونا والغرب يطردونا

    · جحا أولى بلحم طوره

    · جحا طلع النخلة خد بلغته معاه

    · الجعان يحلم بسوق العيش

    · الحاجة اللى ماتهمك وصى عليها جوز أمك

    · الحب والحبل والركود على الجمل مايختفى

    · الحبس ذل ولو فى جنينة

    · حبيبك يبلع لك الزلط وعدوك يتمنى لك الغلط

    · حداية من الجبل تطرد اصحاب الوطن

    · خد الأصيلة ولو كانت على حصيرة

    · خدوا من فقرهم حطوا على غناهم

    · داخل بيت عدوك ليه قال حبيبى فيه

    · الرفيق قبل الطريق

    · السعد وعد

    · سلاح الضعيف الشكية

    · ضمة قبر ولاضمة عدو

    · العاجز فى التدبير يحيل على المقادير

    · الغربة مره

    · الغريب أعمى ولو كان بصير

    · الفرس الهادية يتنتف ديلها

    · قالوا أمتى يا جحا تقوم القيامة قال لما أموت أنا

    · قالوا بلدك فين ياجحا قالى اللى مراتى فيها

    · قالوا ياجحا عد الموج قال اللجاييت أكتر من الريحات

    · القفة أم ودنين يشلوها اتنين

    · قليل البخت يلاقى العضم فى الكرشة

    · قيراط حظ ولافدان شطارة

    · الكتره تغلب الشجاعة

    · كله قسمة ونصيب

    · لقمة هنية تقضى ميه

    · اللى قيدنى بيفتل لك

    · اللى ياكل لوحده يزور

    · اللى يبص لى بعين أبص له باتنين

    · اللى يربط رقبته بالحبل كل الناس تجره

    · اللى يرشك بالميه رشه بالدم

    · اللى يعمل ضهره قنطرة يستحمل الدوس

    · مراية الحب عاميه

    · مسير الغريب يروح لبده

    · من خرج من داره أتقل مقداره

    · من رادك ريده ومن طلب بعدك من الجفا زيده

    · وأجرى جرى الوحوش غير رزق ماتحوش

    · يا بخت من وفق رأسين فى الحلال

    · يا فرعون مين فرعنك قال مالقيتش حد يردنى

    · يوم النصر مافيهش تعب

    . من رادك ريده ومن طلب بعدك من الجفا زيده
    [IMG][/IMG]

  7. #7
    بنت البلد الصورة الرمزية سما مصر
    تاريخ التسجيل
    Mar-2007-18
    المشاركات
    2,427

    افتراضي

    ياه يالومبير

    فكرتيني بالموضوع بتاع الامثال الشعبيه


    بس تعرفي انا أول مره اسمع المثل ده

    (( الحب والحبل والركود على الجمل مايختفى))


    عندك فكره معناه ايه

  8. #8
    نور المحطة الصورة الرمزية lumière
    تاريخ التسجيل
    Sep-2007-07
    الدولة
    أعيش في عالمي
    المشاركات
    14,492

    افتراضي

    لا يا سما معنديش فكرة عليه أنا لقيته ونقلته


    جحا طلع النخلة خد بلغته معاه


    الحاجة اللى ماتهمك وصى عليها جوز أمك


    الغريب أعمى ولو كان بصير

    ممكن يا سما تقوليلي دول يتقالو إمتى؟
    [IMG][/IMG]

  9. #9
    خالتو أماني الصورة الرمزية امانى
    تاريخ التسجيل
    Mar-2008-14
    الدولة
    الاسكندرية حبى الاول والاخير
    المشاركات
    6,760

    افتراضي

    تبقى فى بقك وتقسم لغيرك

    لبس البوصة تبقى عروسة

    لو دامت لغيرك مكنتش جاتلك

    يقتل القتيل ويمشى فى جنازته

    ياما تحت السواهى دواهى

    يسرق الكحل من العين

    اللبيب بالاشارة يفهم

    اتعلقى يا خايبة فى الحبال الدايبة

    القرعة تتباهى بشعر اختها

    من جاور السعيد يسعد

    جارك القريب احسن من اخوك البعيد

    كفاية كدة ندى فرصة لغيرنا

    شكرا يا سما على احياء امثالنا الشعبية

  10. #10
    مدير عام
    تاريخ التسجيل
    Feb-2012-15
    المشاركات
    10,887

    افتراضي

    جحا طلع النخلة خد بلغته معاه

    دي يا لومير اظن تتقال للي بيخاف اوي على حاجته زي مثل برضه قطه جمل


    الحاجة اللى ماتهمك وصى عليها جوز أمك

    عشان جوز الام مش هيهتم بحاجه تهمك فاوصي جوز امي على حاجه متهمنيش

    في اعتقادي تتقال لو واحد بارد ميخلصش حاجه لحد أو يساعد حد

    الغريب أعمى ولو كان بصير

    دي بقى احكيلك عليها قصه حصلت معايا

    اول مجيت مصر وأنا في ثانويه عامه نزلنا في القاهره في فندق في وسط البلد عند دار القضاء العالي المهم اني كنت بروح اخد دروس بتاعت مستوى رفيع في الحته دي برضه وانا طالعه من المعهد رحت عايزه اكلم ماما في السنترال قبل طلوع النتيجه وعايزه اطمن فرحت وقفت تاكس وقلت ليه عايزه اروح السنترال فبص ليا بخبث وقالي بس دا بعيد في المعادي قلت ليه ماشي ورحت المعادي اكلم ماما بعد مخلصت التلفون نوره كانت معايا

    رحت اركب تاكس اروح الفندق قلت ليه وديني كزا طبعا انا معرفش حاجه في مصر كلها وبعد مركبنا السواق لقيته بيسالني كنت بتعملي ايه في المعادي ياشاطره

    فقلت ليه كنت بكلم ماما من السنترال قالي طيب ليه مالسنترال جمب الفندق الي انتي نازله فيه جايه المعادي وهو جمب المكان الي نازله فيه

    وقتها بس عرفت ان الغريب اعمى

  11. #11
    راكب ترسو
    تاريخ التسجيل
    Mar-2008-19
    المشاركات
    194

    افتراضي

    ما تبكوش على اللى خابت زرعته ابكو على اللى خابت ذريته

    يخلق من الشبه أربعين

    ما يجيبها إلا رجالها

    ما جمع إلا لما وفق

    ما حدش ييجى من الغرب يسر القلب

    ما حدش يقول يا غوله عينك حمرا

    ما ضيق الزريبة إلا على الحمارة الغريبة


    يقتل القتيل و يمشى فى جنازته

    ما شتمك إلا اللى بلغك

    ما قدرش على الحمار بيتشطر على البردعة

    المال السايب يعلم السرقة


    مال الكنزى للنزهى

    ينفات لكم بلاد

    يوديك البحر و يجيبك عطشان

    يا نحلة ما تقرصينى و لا عايزة عسل منك
    ولسه ولسه ده تاريخ

  12. #12
    صوت المحطة الحر الصورة الرمزية سفيرة الغلابة
    تاريخ التسجيل
    May-2009-24
    المشاركات
    3,589

    افتراضي فعلاً فيه أمثلة أول مرة أسمع بهـا

    من شان عيـون
    سمـ مصر ــا

    للـرفـــع



    مصرية الجنسيـة

    والديانة مصريـة

    تعيش لحظات فارقة فى عمر الوطن

    1 / 1 / 2011

    إذا شــِئْتَ أن تَـزْدَادَ قَـدْرًا ورِفْـــعَــةً
    فَلِنْ وتواضعْ واتْرُكِ الْكِبْـرَ والْعُجْـــبَا



  13. #13
    راكب درجة تانية الصورة الرمزية ابتسامــة
    تاريخ التسجيل
    Nov-2008-07
    الدولة
    عيُونْ طِفلَة
    المشاركات
    327

    افتراضي

    اقتباس المشاركة الأصلية كتبت بواسطة lumière مشاهدة المشاركة
    لا يا سما معنديش فكرة عليه أنا لقيته ونقلته

    كود:
    
    جحا طلع النخلة خد بلغته معاه
    
    
    الحاجة اللى ماتهمك وصى عليها جوز أمك
    
    
    الغريب أعمى ولو كان بصير



    ممكن يا سما تقوليلي دول يتقالو إمتى؟

    المثل الأول مش عارفة الحقيقة بيتقال إمتى لكن أتوقع أنه يُقال كتنبيه على أخذ الحِيطة فالمعروف إن اللي بيتسلق النخلة يخلع حذاءه أو بُلغته ويتركها على الأرض فربما وهو فوق النخلة يأتي أحدهم ويسرق الحذاء لذا فقد أخذه معه حتى لا يُسرق أو ينزل فلا يجده ...


    المثل الثاني أعتقد يقال حين توصي أحدهم على شيء ولا يفعله لك فيُقال على سبيل التبكيت فزوج الأم لا يقوم عادة بتقديم خدمة لأبناء زوجته فيُنصح الأبناء بألا يطلبوا منه إلا ما لا يريدونه فعلا أو ما لا يهمهم بالفعل ...


    الثالث يقال للغريب عن مكان ما بالتحديد فهو يتوه ولا يستطيع الوصول للمكان الذي يريده حتى لو كان أمامه لأنه غريب عن المكان فيصبح كالأعمى ...

    هذا والله أعلم طبعا ده اجتهاد كده يعني :crazy:




    الضحك قال يا سم على التكشير ..
    أمشير وطوبة وأنا ربيعي بشير ..
    مطرح ما بظهر بانتصر على العدم ..
    إنشالله اكون رسماية بالطباشير

  14. #14
    راكب ترسو الصورة الرمزية 'طير فى السما
    تاريخ التسجيل
    May-2009-03
    الدولة
    K.S.A~~ALEX
    المشاركات
    271

    Arrow

    _ربي ياخيبه للغايبه
    -جبتك ياعبد المعين تعنى أتريك ياعبد المعين عايز اللى يعينك
    -الشاطره تغزل برجل حمار
    -مبروم على مبروم ما يلفش
    -لما قالولى ده ولد انشد ظهرى وأنسند
    -حمارتك العرجه تغنيك عن سؤال اللئيم
    -القرش الابيض ينفع فى اليوم الاسود
    -قالوا للأعور نفسك في أيه قال قفه عيون
    -يامربى فى غير ولدك يابانى فى غير أرضك
    -جحا أولى بلحم ثوره
    -وش تعمل الماشطه فى الوش العكر
    -أجرى يابن ادم جرى الوحوش غير رزقك لم تحوش
    -أهري يامهري وأنا على مهلي
    -جوز الاتنين لقادر لفاجر
    -مركب الضراير سارت و مركب السلايف غارت
    -من دقنه وافتله
    -طمعنجى بنى له بيت فلسنجى سكن له فيه
    -قالوا القرد فتح لبان قلت تغور القشطه من وشه

  15. #15
    نبض المحطة
    تاريخ التسجيل
    Mar-2009-17
    المشاركات
    2,929

    افتراضي

    خلصت حاجتى من جارتى
    اللى ماتعوز وشه انهاردة بكرة تحتاج لقفاه
    اللى يقول لمراته يا هانم يقفلولها عالسلالم
    واللى يقولها ياعورة يلعبوا بيها الكورة
    دعوة الام فى الكم ودعوة الحما فى السما
    الاصيلة تنام مع جوزها عالحصيرة
    يا واخد القرد على ماله بكرة يروح المال ويفضل القرد على حاله
    قلبى على ولدى انفطر وقلب ولدى عليا حجر
    البعيد عن العيد بعيد عن القلب
    جنازة بتار ولا قعدة الراجل فى الدار
    اللى تحسبه موسى يطلع فرعون
    فلسانجى بناله بيت طمعانجى قاعدله فيه


صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أشهر وأشهى الاكلات المصرية
    بواسطة Alex lover في المنتدى بوفيه المحطة
    مشاركات: 38
    آخر مشاركة: 06-Feb-2009, 09:46 PM
  2. أفيشات السينما المصرية
    بواسطة manal ibrahim في المنتدى سينما المحطة
    مشاركات: 7
    آخر مشاركة: 04-Dec-2008, 07:09 PM
  3. (أمثال مفتكسه) كل شئ بيتغير إشمكعني الأمثال مش هتتغير
    بواسطة Alex lover في المنتدى رصيف الفرفشة
    مشاركات: 2
    آخر مشاركة: 29-Oct-2007, 02:11 PM
  4. فن إدارة الخلافات الأسرية
    بواسطة lumière في المنتدى رصيف العيلة
    مشاركات: 2
    آخر مشاركة: 26-Oct-2007, 07:30 PM
  5. دار الإفتاء المصرية تعلن الأتي
    بواسطة nora في المنتدى لوحة الإعلانات
    مشاركات: 0
    آخر مشاركة: 15-Jul-2007, 07:46 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

جميع الحقوق لموقع ومنتدى المحطة