طريقة عمل تورته بالفواكه (بالصور)
افضل شئ انك تحاولي توفري من ناحية وتعملي حاجه الذ واطعم من الجاهز ، بالشكل ده بجد بتحسي بقيمتك
انا جربت من اسبوع اعمل كيك وبعدين قلت ليه معملش تورته اهو الاولاد يتبسطوا وبالفعل عملت كيك اسفنجي ... وبسرعه كنت اشتريت فواكه وعملت كريم شانتيه وطلعت تجنن بجد بجد بجد طعمها جنان ولو ان شكلها مش هندسي اوي زي الكيكات الجاهزة
المهم هاقولكم طريقة عمل التورته بالصور طبعا واتمنى تتوفقوا في صنعها
اولا المقادير :
5 - 6 بيضات
فانيليا
كوب سكر
بشر ليمونه
3 ملعقة صغيرة بيكنج باودر
ا كوب دقيق
5 ملاعق ماء مغلي
للتزين
فواكه مشكلة - عصير برتقال (او اي نوع عصير) - كريم شانتيه مخفوق
الطريقة
ينخل الدقيق والبيكنج بادور والفانيليا مرتين ويترك جانبا
[IMG]http://chowtimes.com/photos/2006/12/_MG_9823.jpg
[/IMG]
يفصل صفار البيض عن البياض
يخفق بياض البيض حتى يصير ابيض هش مثل الكريمة
يخفق الصفار + بشر الليمون + السكر جيدا ثم نضيف الماء المغلي ونكمل خفق
نضيف الدقيق برفق الي خليط الصفار والسكر
[IMG]http://chowtimes.com/photos/2006/12/_MG_9832.jpg
[/IMG]
وبعدين نضيف البياض المضروب بمنتهى الخفة والتقليب الخفييييييييييف
وبعدين يصب في صينية مدهونه ومفروشه ورق زبده
وتخبز لمده 45 دقيقة على حرارة 180 درجه
وبعدين بعد ما تبرد بنقسمها نصفين
ونضرب الكريم شانتيه ليصبح زي الشكل ده
نسقي نصف الكيك بمشروب البرتقال ونضع كريمة واي نوع فاكهة
[IMG]http://chowtimes.com/photos/2006/12/_MG_9843.jpg
[/IMG]
وضع النصف الآخر من الكيك ونغطي الوجه كله بالكريمة ونزين بالفاكهه وبيكون ده الشكل النهائي
والف هنا وشفا
على فكرة انا كمان باضيف بعض المربي بين الطبقات ..
.
.
اليكس جربن مره اعملها طلعت تخينه ومش هشه
وزينتها وكل حاجه
بس مكنتش هشه فيأست رام اني عملتها اسفنجيه
يريت تنجح المره دي
بصي علشان تطلع هشه لااااااااازم تضربي البياض لوحده والصفار لوحده ولما تيجي تضيفي البياض في الآخر تضيفيه بخفه وتقلبي على شكل دايرة مقسومة مش عارفه تعرفيها ولا لأ يعني البياض يتخلل ومش يتقلب زي الشاي :) ... وبعدين الدقيق لازم تنخليه كويس ومش اكتر من كوب على المقدار ده ... الفرن 180 درجة ومتفتحيش عليها ولا مرة الا بعد 45 دقيقه احسن تهبط
ولو طلعت معاكي تخينة زودي شوية العصير اللي بتسقيه بيها ;)
.
.
:078:
شكرا يا فندم
هجربها ان شاء الله واقولك النتيجه
بس يارب ابو العيال يخليني اجرب:7a1119e792:
اصله من كتر ما جربت حرم وبيقولي الجاهز اوفر واريح للمعده:36_1_56[1]:
بجد تحفه يا اليكس تسلم ايدك
انا اتعلمت طريقة الكيك الاسفنجية وانا فى ثانوى وما عملتش تورته غير مرة واحدة من ساعتها
وعلى فكرة عشان تبقى هشة كمان لازم نوع الدقيق يكون كويس ونضيف ومش مركون عند البياع
عشان الدقيق لو مش كويس بيكتمها فى بعضها
تأتي للحياه وأنت تبكي ويبتسم الآخرون فعِش حياتك لتجعل الآخرين يبكون حين تموت وتكون أنت المبتسم الوحيد
صح يا دندش ... علشان كده يفضل كمان نخل الدقيق كذا مرة لضمان تخلصه من الرطوبه ويعطي نتيجة كويسهالمشاركة الأصلية كتبت بواسطة DANDASH
.
.
هاعملها بكره باذن الله :)
.
.
شوفى اليكس طالما ناويه تعمليها
فى الشويخ بجانب دوار الشبره من ناحية رامز
فيه محل اسمه مهند للحلويات
فيه الكيكه مقادرها كامل متكامل
نص كيلو يعمل لك احلى كيكه بـ 350 فلس
وعندم فواكهة مخصوصه لها وكل التزيين
جربيها على مسؤليتى
مش فاهمه يا ماما سما ,, نقصدى بودره كيك جاهزة...؟؟؟ والله انا مش بافضلها انا الحمدلله بتنجح معايا
والله نفسي انزلكم صور التورتات اللي عملتها
بس بالنسبة للتزيين
متهيالي تقصدي تقولي انه عنده مستلزمات الكيك والتزيين والكلام ده؟؟ده يبقى لقطه .. يبقى عامل زي (مطير بتاع اسكندرية) ..
لو كده يبقى لازم ازوره
.
.
أيوه ده قصدي
لازم تزوريه
لأن كمان عنده أشكال لمواعين الكيك جميله
أنا جبنت منه شكل ورده بتطلع الكيكه منه حلوه
غير كمان عنده حشوات للشيكولاته عجيبه
روحى زوريه حتلاقى حجات تعجبك
تسلم ايديكي
اكيد هاروح باذن الله يا ماما سما والله اني كنت بادور على حد كده متخصص من زمان
ضحكة الله يسلمك شكرا على مرورك
.
.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
