الأغنية الشعبية

[أنا ناس]

هذا المسمي مظلوم جدا ، لأنه كل واحد يغني كلام هابط وموسيقي خبط ورزع ويزعق ويقول أييييييييه
يقدم نفسه على أنه فنان شعبي وهو بعيد كل البعد عن الفن الشعبي الحقيقي .. هنا نستعرض مفهوم الأغنيه الشعبية الحقيقية ونقدم نماذج منها .


الاغنية الشعبية هى تلك الاغنية التى ترتبط بمكان وبيئة وجماعة ما من البشر مثال ذلك اهل الريف ، اهل الصحراء ، أهل السواحل ، النوبة وهكذا

الاغنية الشعبية كما يراها دارسو علم المأثورات الشعبية هي أغنية شاعت وانتشرت في الماضي البعيد في منطقة معينة وتبنتها الجماهير وأصبحت ملكاً لها بعد أن ألّفها ولحّنها أفراد مجهولون وانتقلت شفاهة بدون تدوين عبر الأجيال المتعاقبة، وقد تتعرض هذه الأغنية أثناء مسيرتها الزمنية أو أثناء انتقالها وهجرتها من مكان نشأتها إلى أماكن أخرى لبعض التغيرات والتعديلات في نصوصها وألحانها وأوزانها لتتناسب مع تغير المفاهيم الحياتية والاجتماعية والثقافية لكل عصر من العصور أو لكل مكان من الأماكن، كما تتعرض الأغنية الشعبية أيضا ً لبعض المؤثرات الخارجية نتيجة لاحتكاكها بتراث الشعوب المجاورة أو الوافدة.


الأغنية الشعبية تغطي كافة مظاهر الحياة ولا يخلو أي مظهر أو مناسبة لا تمثلها الأغنية الشعبية التي انتقلت من السلف إلى الخلف، وبحيث بقيت هذه الأغنية على اختلافها حية في وجدان الشعب، وإن كانت هناك بعض الأغاني الشعبية قد اندثرت أو في طريقها إلى الاندثار فإن ذلك يعود إلى أن المناسبة التي أبدعت من أجلها هي أيضاً في طريقها إلى الزوال .

من امثلة تلك الاغانى :

اغانى دورة الحياة :
- الميلاد ومراحله كالسبوع 000الخ
-الزواج ومراحله
-الموت ( متمثلاً فى العديد )

وكذلك اغانى السمر والمناسبات كالاعياد
واغانى العمل مثل اغانى الصيد والحصاد 0000 الخ


تغطي الأغنية الشعبية مدى واسعاً من المناسبات فهناك أغان للنساء خلال الزفة، أو في ليلة الحناء، أو عند إحضار العروس... كما أن هناك أغاني الرجال ، وهناك أيضاً أغاني المناسبات كالحج وتوديع الحاج عند ذهابه إلى أداء فريضة الحج، وأغاني الحصاد والبذار، وأغاني الطبخ، وأغاني الموت عند فقدات عزيز "العديد " أو أغاني خاصة بالأطفال كالهدهدة في السرير للنوم أو طلب الغيث والكثير من المناسبات الأخرى


يجب توافر ثلاثة عناصر في أي أغنية شعبية :

1- اللحن الفلكلوري .

2- اللهجة العامية .

3- الدلالة الاجتماعية الشعبية .


تلك الانواع من الاغانى نجدها جماعية الابداع سواء الكلمات او اللحن او الاداء ، بالطبع كان لها مبدع اصل ولكن سعة انتشارها كانت اكبر من مبدعها نفسه فظلت الاغنية وذهب المؤلف طى النسيان .
الاغنية الشعبية تتناقل شفاهتا من جيل الى اخر ، وتتاثر بالبيئة التى تخرج منها
لو اخذنا مثالا اغانى الزواج سنجد ان ان طبيعة الاغنية سواء الكلمات او اللحن تختلف باختلاف البيئة التى تخرج منها
فمثلا نجد اغنية الزواج النوبية مختلفة عن الصحراوية وحتى فى الصحراء اغنية الصحراء الشرقية تختلف عن الغربية ولو نظرنا الى هذا التنوع وطبقناه على وطننا العربى لعلمنا اى ثراء فنى نمتلكه .

تخضع الأغنية الشعبية خلال التحولات الاجتماعية ، لتغيرات في مضامينها وألحانها وأشكالها .


الاغنية الشعبية تتناقل شفاهتا كما سبق وذكرنا لذلك تؤثر فيها عدة عوامل هى :

- الخطأ فى السمع
- النسيان
- عدم فهم الكلمات

تؤدى تلك العوامل الى احلال كلمات بدل كلمات وكذلك ادخال بعض الكلمات الدالة على المستجدات التى طرأت على البيئة الشعبية على سبيل المثال لا الحصر ادخال كلمات مثل الراديو او ادخال اسماء بعض المشاهير مثل ام كلثوم وعبد الوهاب وهو ما لم يكن موجودا فى الماضى .

اعتمدت الأغنية الشعبية منذ نشأتها على الفلكلور والتراث الشعبي، إضافة إلى استخدامها مفردات موروثة، تروي قصة المعاناة اليومية للناس البسطاء، فكانت الأغنية الشعبية ولا تزال هى المعبر الرئيسي عن وجدان العامة والبسطاء
اهم ما يميز الاغنية الشعبية انها تحافظ على العادات والتقاليد والمعتقدات الخاصة بالجماعة الشعبية وذلك لتناقلها شفاهتا من جيل الى اخر حاملة معها هذا الكم الهائل من الموروث الثقافى الخاص بالجماعة الشعبية عبر الزمن .

الاغنية الشعبية تتميز بالعديد من الخصائص مثل :


- سعة الانتشار

- جماعية التأليف والأداء

- تناقش موضوعات تهم الجماعة

- نصها قابل للتعديل والتبديل

- سهلة اللحن

- العلاقة بين اللحن والكلمات علاقة وثيقة


فى مصر تتمثل الأغنيه الشعبية فى الاغاني الريفية ، الأغاني الصعيدية والنوبية ، أغاني السواحلية و السمسمية و الأغاني البدوية ، أغاني السير الشعبية فى التراث الشعبي مثل السيره الهلاليه ، سيرة الظاهر بيبرس ، سيرة الزير سالم و القصص الغنائية الشعبية مثل شفيقه و متولي ، ناعسة وأيوب .

يمكن تقسيم مصر الى أربع مناطق من الناحية الفلكلورية :


الاولى : الصعيد وما يحمله من اصالة والعديد من الفنون مثل التحطيب والمواويل وفن الكف و الواو وفنون اهل النوبة.

الثانية : القاهرة بما تحويه من مواكب صوفية وموالد لاولياء الله الصالحين وكذلك الفنون الفرجوية مثل الأراجوز وخيال الظل .

الثالثة : الفنون البحرية المرتبطة بأهل السواحل ومواطن الصيادين .

الرابعة : فنون البدو وأهل الصحراء .

[أنا ناس]

البحر بيضحك ليه
وأنا نازله اتدلع املا القلل






عصفوري ياما .. عصفوري
لألعب وأوري له اموري





يا عيني ماله
الواد دا ماله
أمك وأبوك ضربوك علشانه
يا عيني ماله
الواد دا ماله
سايق دلاله





على بياعين العنب
على بياعين العنب
على بياعينه من جنب
جابلى اللحمه فى بابور زحمه
رجع اللحمه وهاتلى العنب
جابلى الشبشب يقرا ويكتب
رجع الشبشب وهاتلى العنب
جابلى القبقاب فى بابور ركاب
رجع القبقاب وهاتلى العنب
جابلى القطيفه
فى علب نضيفه
وقالى خدى يالطيفه
انا قلت له عايزه العنب
على بياعين العنب







روق الأناني روق
وأملي لي الكاسات وأسقيني يا عيني

قلت لها يا حلوه وريني على خدك وفرجيني
قالت لي روح يا مسكين
انا خدي تفاح الشام يا عيني

قلت لها يا حلوه وريني على عيونك وفرجيني
قالت لي روح يا مسكين
دا انا عيوني عيون غزلان يا عيني

قلتلها يا حلوه وريني على شعرك وفرجيني
قالت لي روح يا مسكين
أنا شعري ديل حصان






متجوزيني يمه .. متجوزيني يمه
حاضر يا ولدي .. حاضر ياولد
قعدتي تقولي حاضر .. لما خضر شنبي
بكره سوق الخميس .. وارهن لك حلقي
خساره حلقك يمه .. فى بنت الرفضي

جرحي قلق منامي شفق جاري الحنين
الطبيب قلب فى جروحي قال القومه ضنين
عبادي ياواد عبادي كرباجي وع الهجين
تجرحني يابوعين سوده واللي يداويني مين
حالف لاشرب من ماكم لو عكره وفيها طين
ادلع يا سماره يا رباية السلاطين
يا بنات اسكندرية يا مشمش حموي
لفتكم فى الملايه نستني بلدي
امتي تدوب الملايه واروح بلدي

ودعت حبيبي الغالي والدمع فى عيني
يجرالك ما جرالي ياللي تلوم عليٌ

يا جريد النخل العالي ميل وارمي السلام
واتلموا ولاد الهوي يشكو لقاضي الغرام
عشق البنات يا قاضي حلال ولا حرام
يحرم على المتجوز أم العازب حلال
يا بنت اديني بوسه تحت السلم ضلام

ياللي قاعد فى الضلمه أظهر تعال بان
تحت الشفه الرقيقة يحلا مضغ اللبان
اتمايل وانا ابوسك يا عويد الخيزران






ليه يا حمام بتنوح ليه فكرتني بالحبايب
ياهل تري نرجع ع الاوطان ولا نعيشواغرايب

خش المسا وظلام الليل واللي يجاور يجاور
جاورت انا كحيلة العين أم الحلق والأساور

يا بت ياللي تبيعي الخوخ بكام رطله يا صبيه
قالت بعشرة وبعشرين ولك بلاش يا دوا عنيه

يا بت ياللي حمامك طار قومي اعملي له بنيه
قالت عملتها سبعة ادوار شبابيكها كلها بحرية







شفت الحكاية المضحكة لما الخروف نطح جمل
قام الجمل من كسفته
وقع على سنمه أنكسر
رقص الخروف من فرحته أندار ورقص الأربعة
كنا تلاتة أربعة
ودخلنا مرة المحششة
قام فينا واحد أنبسط اندار ورقص الاربعة
وانا الوابور .. توت توت
أنا الوابور أسود وغطيس
ومحملنى ألف كيس
واللى أدوسه يروح فطيس
حتى لو كان شيخ الغفر
وانا لا على بالى خبر

[أنا ناس]

للطفل في أغاني التراث الشعبي المصري حظ لابأس فهناك الإهتمام به منذ ولادته ويوم سبوعه وخطوات نموه المعتادة

تلك مثلا أعنية لتهنين الطفل


نام نام
وأدبح لك جوزين حمام
نام نام





ودي اغاني طفولية قديمة حبتين

قفلي ياوردة
فتحيي ياوردة
وردة من هنا
ووردة من هنا
بابا قاللي عدي المية
سلطانية مهلبية
عشرة عشرين
تلاتين اربعين
خمسين ستين
سبعين تمانين
تسعين مية






القط مشمش
القط مشمش
خطف قميصي
بمبي انجليزي
عسكري فوق
عسكري تحت
اهلا بيك يابتاع الكحك






القطه المشمشية
حلوه بس شقية
نطت حتة نطه
خطفت ورك البطه
سوسو زعلانه
هي اللي غلطانه
سابت النمليه
مفتوحه شويه
أخص عليكي يا قطه


[


واحد اتنين حرجى مرجى
إنت حكيم واللا تمرجى
أنا حكيم الصحية
العيان أديله حُقنة
والغلبان أديله لُقمه
نفسى ازورك يانبى
ياللى بلادك بعيدة
فيها احمد وحميدة
حميده ولدت ولد
سميته عبدالصمد
مشيته على مشاية
خطفت راسه الحدايه
حد يابد ياراس القرد
هو ولد ولا بنت
هو ولد زى الفرد









واحد..اتنين ..تلاتة
كلبة عمى شحاتة
خطفت السباتة
رحت اطير وراها
وحلت ف الطين
عمره ابويا ماجلعنى
جلعنى عمى عويضة
لبسنى البدلة البيضا
جلعنى كتير كتير
فيه بنية بشعر حرير
تروح وتاجى بالمنديل
والمنديل فيه خياطة
تخيطلى حرجى مرجى
وقعت خرزة من خرزى
فوق الكوم تترعرع
رعرعها حَب الشامى
الله يقيدك ياحصانى
حصانى كلته الديبة
رموا عليه الزكيبة
زكيبة وَد السلطان
كلنا الخوخ والرمان
فى عز القيلة والنهار
الله يقيدك ياعثمان





حادى بادى
كرنب زبادى
شالوا وحطوا
كله على ديه
بت العسكر
راحت تسكر
مين علمها
اكْل السكر
علمها اخويا ضاحى
كسر وركى وجناحى
حُنقُل بنقُل
ديّة تشيل
ودية تنقل






اطلعى ياشمس الله
على قبة عبدالله
عبدالله غايب غايب
جابله عروسة وجه شايب
جابله عروسة مربوشة
تاكل نص القرقوشة
تشرب بير وبحر كبير
وتقول عطشانة
ياعم خليل

[أنا ناس]

باعة حب العزيز


حَب العزيز ** الرُّبعة بقرش

طازه ولذيذ ** الربعة بقرش

أبيع واتوصى ** الربعة بقرش

حب العزيز ** الربعة بقرش

جاي من طنطا ** الربعة بقرش

ما فيهش غش ** الربعة بقرش

ولا أونطا ** الربعة بقرش






باعة العرقسوس


شِفا وخميرة يا عرقسوس

من غير فلوس يا عرقسوس






باعة الترمس



والله يا ترمس أكلك لذيذ

يا ترمس حب العزيز





باعة الفاكهة



مانجه يامانجه عظيمه يامانجه
لو داقك العليل بيشفي
ريحه وحلاوة يامانجه
وكمان بقلاوه يامانجه
يا مانجه ريحة وحلاوه يامانجه
أه أه

يامانجه زرعوكي البداوية
وانا اللي رويتك بدمع عنيه

ريحه وحلاوة يامانجه
وكمان بقلاوه يامانجه
يا مانجه ريحة وحلاوه يامانجه
أه أه

[أنا ناس]

اعلام الغناء الشعبى المصرى

يتمتع التراث الشعبى الغنائى المصرى بعدد كبير و مميز من المطربين الشعبيين الذين اثروا هذا النوع من الغناء و من اهم هؤلاء النجوم

محمد عبد المطلب

من اوائل المطربين الشعبين العظام الذين قدموا مجموعه كبيره من اجمل الاغانى الشعبيه منها على سبيل المثال

تسلم ايدين - يا حاسدين - يا ريتني خالي - ساكن في حي السيده -اسأل مره عليه"

لتحميل اجمل اعماله

كارم محمود

كارم محمود (1922-1995) مطرب وملحن كبير احتل مكانة متميزة بصوته الجميل الحاد، و قد لقبه جمهوره بالكروان الطيب لمايتمتع به من حلاوة الصوت و هدوء طبعه ودماثة خلقه، عمل كارم محمود مع كبار أهل الفن والموسيقى والتلحين والغناء في مصر، مع كامل محمود ، محمود الشريف ، محمد الموجي، محمد سلطان ورياض السنباطي

ومن أغانيه الشهيرة سمرا يا سمرا، والنبي يا جميل، على شط بحر الهوى، أمانة عليك، عنابي، يا أنا يا العزال.

لتحميل اجمل اعماله

محمد رشدى

محمد رشدى من اكثر من اثرى الغناء الشعبى المصرى ولد20 يوليو 1928 بمدينة دسوق بمحافظة كفر الشيخ .اسمه محمد رشدي محمد،اشتهر بالأغانى الشعبية .
حفظ القرآن الكريم في كتاب القرية ثم جاء إلى القاهرة ، ثم التحق بمعهد فؤاد الموسيقى.قدم اول اغنية هى قولوا لمأذون البلد .
فتحت له الاذاعة ميكروفونها غناء وتلحين .سجل للاذاعة ملحمة " ادهم الشرقاوى " ونجح نجاحا كبيراً.مثل محمد رشدى للسينما 6 افلام .
كون محمد رشدى وبليغ حمدى مع الشاعر عبد الرحمن الابنودى ثلاثيا فنياً عظيماً وكان هذا السبب لبداية انتشار الاغنية الشعبية .
غنى محمد رشدى اغانى دينية ووطنية في انتصارات أكتوبر.قدم في رمضان اغانى مسلسل " ابن ماجه " وسجل اخر البوم له بعنوان " دامت لمين ".
توفى في 2/5/2005 .

من اجمل اعماله المارد حارة السقايين – عدوية – 6 بنات و عريس – السيرك فرقة المرح ورد و شوك

لتحميل اجمل اعماله

احمد عدويه

احد اهم رموز الغناء الشعبى حديثا و اختلف الكثيرين على فنه بين مؤيد و معارض له و هو يعد الاب الروحى لاجيال المطربين الشعبيين الذين تالوه

من اجمل اعماله و اهمها

بنت السلطان زحمة يا دنيا زحمة السح الدح امبو سلامتها ام حسن حبة فوق كله على كله سيب وانا اسيب كركشنجي

لتحميل اجمل اعماله

الريس متقال

من اشهر المطربين الشعبين صاحب لون مميز فى الغناء الشعبى تحديدا الصعيدى و من اجمل اغانيه

الفراوله بتاع الفراوله و البت بيضا و غنى مع امل وهبى يا بت بيقولك ابوكى

لتحميل اجمل اعماله

حسن الاسمر

من المطربين الشعبيين المعاصرين الناجحين جدا اصحاب بصمه قويه فى الغناء الشعبى و حقق نجاح على المستوى الشعبى لا ينكره احد فقد ملئت اغانيه فى وقت من الاوقات جميع المحال التجاريه و السيارات و غيرها و حقق انتشار واسع جدا و من اهم و انجح اعماله

كتاب الواد ده ايه - عدي يا ليله - كتاب حياتي - يا انا يا انت - بص علي الحلاوه"

لتحميل اجمل اعماله

حكيم

من النجوم الشباب المعاصرين الذى اتجه الى اللون الشعبى و نجح نجاح كبير جدا و حققت اغانيه اعلى مبيعات فى وقت من الاوقات و مازال حكيم من النجوم الشعبين اصحاب اللون المميز و المحبب للجمهور

و من اجمل اعماله السلام عليكم - النار -الكلام ده كبير -ايه اللي بيحصل ده -تلاكيك

لتحميل اجمل اعماله

و فى الفتره الاخيره ظهرت موجه جديده من الغناء الشعبى اشهر مطربيها شعبان عبد الرحيم و سعد الصغير و لهم محموعه كبيره من الاغانى الشعبيه و لكنها لم تحدث التاثير الكبير مثل كبار المطربين الشعبيين فى الفترات الزمنيه المختلفه

ومهما مرت الايام سيظل الغناء الشعبي في مصر له مكانته وقدره ومستمعينه

اتمنى ان يحوز الموضوع على اعجابكم

[امانى]

ومهما مرت الايام سيظل الغناء الشعبي في مصر له مكانته وقدره ومستمعينه



اتمنى ان يحوز الموضوع على اعجابكم

بجد موضوع رائع يا اناناس تسلم ايدك عليه وبالفعل للغناء الشعبى مكانة كبيرة ومستمعون كثيرون
خصوصا مغنيين زمن الفن الجميل

[أنا ناس]

تواجدك وتشجيعك دائما هو الأروع

[الحاج فوزى]

والنبى عايز أغنية سجارة بنى .. وأغنية أبص لروحى فجأة ..


علشان ليهم معايا ذكريات سخصية

[أنا ناس]

كل الطلبات ان شاء الله هحاول اوفرها رغم اني مليش اد كده في الشعبي

بس يلا

ابتدي بأغنية جميلة جدا لحكيم اسمها كلام بكلام

مبلاش كتر كلام
مين اللى يقول للتانى حرام
مبلاش كتر كلام
مين اللى يقول للتانى حرام
كل ما عليك بتنزلنى
وبعيشلك وانت بتقتلنى
يبقى حرام على مين
وبقويك وانت بتكسرنى
وكأنك حالف تخسرنى
متخلينا ساكتيييين
كلام بكلام هنتكلم
خلاص تلميذك اتعلم
كلام بكلام هنتكلم
خلاص تلميذك اتعلم
برافو عليك اوى يا استاذ
عرفت تربى وتعلم
كرهتك ايوه ونسيتك
ونفعت فيا تربيتك
كرهتك ايوه ونسيتك
ونفعت فيا تربيتك
اديتنى درس كبير فى الذل
زاكرته صح وذليتك
مبلاش كتر كلام
مين اللى يقول للتانى حرام
مبلاش كتر كلام
مين اللى يقول للتانى حرام
وحياة دموعى وجرح قلبى لعرفك
تلميذك اتعلم وناوى يشرفك

وحياة دموعى وجرح قلبى لعرفك
تلميذك اتعلم وناوى يشرفك
هذل فيك
وهدوس عليك
وابيع العشره
وهجيب كمان
فى الامتحان
عشره على عشره
دانا كل دمعه بالف دمعه هردها
وكل حاجه بنيتها حالف اهدها
دانا كل دمعه بالف دمعه هردها
وكل حاجه بنيتها حالف اهدها
بتقول لمين
متشكرين
ده اقل واجب
دلعت فيك
وانا بين ايديك
ولا كنش عاجب
انا زى مانت كسرت قلبى انا هكسرك
لو حتى هخسر فيك هبيعك واخسرك
دانا زى مانت كسرت قلبى انا هكسرك
لو حتى هخسر فيك هبيعك واخسرك
علشان تفوق
لازم تدوق
جرحى وعذابى
هلعب معاك
وهبيع هواك
واخد حسابى
كلام بكلم هنتكلم
خلاص تلميذك اتعلم
كلام بكلم هنتكلم
خلاص تلميذك اتعلم
برافو عليك اوى يا استاذ
عرفت تربى وتعلم
كرهتك ايوه ونسيتك
ونفعت فيا تربيتك
كرهتك ايوه ونسيتك
وطمرت فيا تربيتك
اديتنى درس كبير فى الذل
زاكرته صح وذليتك
مبلاش كتر كلام
مين اللى للتانى حرام
مبلاش كتر كلام
مين اللى للتانى حرام
كل ما عليك بتنزلنى
وبعيشلك وانت بتقتلنى
يبقى حرام على مين
وبقويك وانت بتكسرنى
وكأنك حالف تخسرنى
ما تخلينا ساكتين
كلام بكلام هنتكلم
خلاص تلميذك اتعلم
كلام بكلام هنتكلم
خلاص تلميذك اتعلم
برافو عليك اوى يا استاذ
عرفت تربى وتعلم
كرهتك ايوه ونسيتك
وطمرت فيا تربيتك
ههدك زى ما بنيتك
ونفعت فيا تربيتك
اديتنى درس كبير فى الذل
زاكرته صح وذليتك

لمشاهدة فيديو الاغنية

[أنا ناس]

اغنية بصيت لروحي فجأة اسمها أنا مش عارفني او انا مش أنا لعبد الباسط






-----------------------------------------

الاغنية :: أنــا مـش عـارفـنـى

-----------------------------------------


انا مش عارفنى
انا كنت منى
انا مش انا
لا دى ملامحى
ولا شكلى شكلى
ولا ده انا
..
أبص لروحى فجأة - لقتنى
لقتنى كبرت فجأة - كبرت
تعبت من المفاجأه ونزلت دمعتى
قوليلى ايه يا مرايتى
قوليلى ايه حكايتى
تكونشى
تكونشى دى نهايتى
واخر قصتى
..
يا دنيا طفيتى شمعى
يا ناس كترتوا دمعى
والعمر راح هدر
كتبت الاّه بألمى
كسرتوا سن قلمى
وبرده باقول قدر
حزين من صغر سنى
ومين على الاّه يعينى
ووخدانى الخطاوى
لسكة تايهة منى
..
أبص لروحى فجأة - لقتنى
لقتنى كبرت فجأة - كبرت
تعبت من المفجأه ونزلت دمعتى
قوليلى ايه يا مرايتى
قوليلى ايه حكايتى
تكونشى دى نهايتى
واخر قصتى
..
انا كنت منى
انا مش انا
لا دى ملامحى
ولا شكلى ده
ولا ده انا
..
ياليل الجرح يالى
معايا زى ضلى
مأنس وحدتى
سرقت العمر كله
خلاص ما بقاش فاضلى
غير جرحى ودمعتى
جريح وده مش بيدى
ماخدتش بس بأدى
زرعت يا ناس قيودى
جنيت الشوك لوحدى
..
أبص لروحى فجأة - لقتنى
لقتنى كبرت فجأة - كبرت
تعبت من المفاجأه ونزلت دمعتى
قوليلى ايه يا مرايتى
قوليلى ايه حكايتى
تكونشى
تكونشى دى نهايتى
واخر قصتى
..
انا مش عارفنى
انا كنت منى
انا مش انا
لا دى ملامحى
ولا شكلى ده
ولا ده انا

لمشاهدة فديو للأغنية

[الحاج فوزى]