طريقة عمل سمك البياض

[ابن القيم]

سلام عليكم


معلش يا عمو بندق أنا جايب سمك بياض مش عارف الاسم دا صح ولا لا هو شبه القراميط المصري في الشكل ولونها أبيض.


أنا عاوز أعمله صينية في الفرن بصلصة.



ممكن تقولي الزاي عشان أنا حطيت السمك في الفريزر ومش عارف أعمل إيه

[مهندس محمد صبحي]

انتا ناوى تسيب شغلك يا قيم وتبقى شيف

[بندق]

شوف يا بن القيم بك ..

هأقولك على وصفة .. غير تقليدية وتصلح للسمك ده تماما .. وهو اسمه صح .. وأحيانا بيقولو قشر بياض ..


المهم هتقطعه طرنشات حوالى 3 الى 4 سم سمك القطعة ..

هترش عليه ملح وفلفل وعصير ليمون

هتجيب شوية بصل أحمر محترمين .. يعنى لو 2 كيلو سمك يبقى كيلو بصل تقريبا ..

تقطع البصل مكعبات وتدبله فى كمية زيت معقولة (يدبل بس مش يحمر) فى نفس الصينية اللى هتدخله فيها الفرن .. وبعدين تضيف له مية معقولة .. وتتبله بكسبرة مطهونة وفلفل أسود وتملحها .. وتخلي الخلطة دى تغلى وبعدين تحط فيها طرنشات السمك

خلى بالك من انها لابد تكون بتغلى .. يعنى السمك يتحط وهى بتغلى ..

المهم تقلب السمك بعد 3 دقايق غليان وتخلى يغلى كمان 3 دقايق وتخدله الفرن اللى هيكون ساخن من الأول .. هتحطها تحت فى أول رف .. تغلى حوالى ساعة تقريبا لحد ما ينحسر الماء شوية وتحمر .. تطلعها فوق عشان تاخد الحمار النهائى لمدة حوالى 15 دقيقة ..


نفس الطريقة بدل البصل الكتير ممكن تحط طماطم تقشرها وتقطعها مكعبات

بس جرب دى أطعم كتير كتير كتير

[بندق]

انتا ناوى تسيب شغلك يا قيم وتبقى شيف

وهو كان بيشتغل ايه يا باشمندس؟

ولا لازم ما ياكلش؟

ولا ينتظر؟ تنعمات وتكرمات أطراف اخرى؟


:hysterical:

[ابن القيم]

تسلم ايدك وربنا يكرمك


انا مش عارف أقولك شعوري دلوقت واتا بقرأ الوصفة بتاعتك


إن شاء الله هعملها وهصور لك الصينية كمان

[ابن القيم]

وهو كان بيشتغل ايه يا باشمندس؟

ولا لازم ما ياكلش؟

ولا ينتظر؟ تنعمات وتكرمات أطراف اخرى؟


:hysterical:

هو صبحي زي ما انت قلت كدا باشمندس

انا بقى بالهاء




انتظر مني صورة للصينية

ان شاء الله

[مهند شاد]

انحرق السمك

[بندق]

هو صبحي زي ما انت قلت كدا باشمندس

انا بقى بالهاء




انتظر مني صورة للصينية

ان شاء الله

طيب الهاء سقطت سهوا .. انا كنت بأحسبها للتأنيث


:hysterical:

[بندق]

لقيتلك صورة قديمة .. بس السمك هنا سمك موسى اللى بيكون مسلوخ أصلا ..

[DANDASH]

عمو بندق المنقذ وصفة جميلة قوى بجد m1


ابن القيم فيييييييييين الصينية اكلتها مع السمك ولا ايييييييييه؟؟؟؟؟؟؟؟ m35

[ابن القيم]

عمو بندق المنقذ وصفة جميلة قوى بجد m1


ابن القيم فيييييييييين الصينية اكلتها مع السمك ولا ايييييييييه؟؟؟؟؟؟؟؟ m35

لا متقلقوش بس هو انا بحب أسويه على نار هادية



:016:

[ابن القيم]

زي ما وعدتك يا عمو بندق أنزل صورة الصينية بعد العمايل


أنا زودت عليها جمبري وصلصة وعملتها شبه ما قلت لي



...

هي الصورة غامقة بس دا من الاضاءه


كانت بصراحة جميلة جدا

[لى لى]

هههههههههههههه
الصوره هى اللى غامقه ولا السمك اللى اتحرق منك
ادى العيش ...............

[ابن القيم]

هههههههههههههه
الصوره هى اللى غامقه ولا السمك اللى اتحرق منك
ادى العيش ...............

ههههههههههه

:fish:




لا دا السمك طبعا مية مية

هو بس غبت عليه شوية صغيرين في الفرن

[الحاج فوزى]

ههههههههههههههههههههههههههههههه


لاء وكان عايز يعزمنى على السمك قال ..


هههههههههههههههههههههههههههههههههههههههههههههههههه هههههه