كيفية تخليل الزيتون الأسود ؟
هل يستطيع أحد أن يدلنى على كيفية تخليل الزيتون الأسود وله الأجر والثواب من الله ؟
مصر التى فى خاطرى وفى فمى ..أحبها من كل روحى ودمى
الحقيقة يا دكتورة انا بعمل جميع المخللات بالبيت لأنى بقرف من مخللات السوق وجربت طرق لتخليل الزيتون كتيرة وكان احسنها طعما لتخليل الزيتون الاسود بالبيت هى الطريقة الاتية كيلو من الزيتون الأسودالمشاركة الأصلية كتبت بواسطة د/تيسير
كوب من الملح البحري ( اللى هو ملح خشن ) لكل كيلو زيتون
الطريقة
ـ يغسل الزيتون الأسود بالماء الساخن ثم يصفى. ـ ينثر الملح فووق الزيتون ويحرك مع الملح ثم يترك في مصفاة بلاستيكية أو في سلة حتى تصفى عصارته ويترك بالملح مدة 5 أيام مع تقليبه بين الحين والآخر.
ـ يحرك الزيتون ويوضع في البرطمان ويضغط قليلاً باليد ليصل الزيتون إلى عنق المرطبان فقط.
ـ يضاف الماء إلى الزيتون حتى يغمر الزيتون ثم يضاف قليل من زيت الزيتون حتى يمتلىءالبرطمان.
ـ يغطى البرطمان ن بإحكام.
ـ يصبح الزيتون صالحاً للأكل بعد شهر.
عند الاكل يضاف خل للزيتون
دى طريقتى وبالهنا والشفا واى طريقة لاى نوع من المخلل او المربى انا تحت امرك يا دكتورة
أشكرك ياأمانى ياذوق
أنا باعمله بنفس الطريقة دى بس بأملأ عليه البرطمان خل وبعدين على الوش باحط شوية زيت
لكن المشكلة إنى بالاقيه يكرمش لما باتركه فى الملح مدة طويلة . عشان كدة قلت أسأل يمكن طريقتى غلط والا حاجة .
المشكلة إنى عندى شجرة زيتون أسود والأولاد بيموتو فى الزيتون الأسود . لكن قلبت النت على الطريقة المثلى لتخليله .لقيت كل الطرق زى ماقلتى وزى ماانا باعمل .
يكونش العيب فى نوع الزيتون ؟
مصر التى فى خاطرى وفى فمى ..أحبها من كل روحى ودمى
انا شاكة يا دكتورة يكون العيب من الخل لانى مش بحط الخل الا بعد ما يستوى يعنى عند ابتداء
الأكل منه . ممكن يكون الخل هو اللى بيكرمش الزيتون فى الاول . طيب جربى المرة دى بدون الخل فى الأول واضيفي الخل لما يحلو ويبقى جاهز للأكل ابقى زودى خل مع الميه وعلى الوش شوية زيت
ان شاء الله يطلع كويس وبالهنا والشفا
جزاك الله كل خير يا خالتو اماني علي الطريقه الجميله والسهله
هجرب ان شاء الطريقه واقول لك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
