ريجيم شوربة العدس
أنا هاكتب لكم رجيم كيميائى نتيجته 100 % بس للى تقدر عليه
وهو إسمه رجيم شوربة العدس
وهو بينزل الوزن بسرعة جدا . حاولوا تجربوه خصوصا إننا داخلين على فصل الشتاء والعدس مستحب جدا فيها للتزود بالطاقة والإحساس بالشبع .
أولا : إوزنى نفسك
الإفطار فى جميع الأيام
واحدة جريب فروت أو نصف كوب لبن خالى الدسم
العشاء فى جميع الأيام
طبق سلطة خضراء كبير مع نصف كيلو جبن قريش
بين الفطار والغذاء وبين الغذاء والعشاء
كوب ذبادى دايت أو برتقالة أو تفاحة خضراء
الغذاء:
اليوم الأول : طبق سلطة خضراء بدون زيت وبأى كمية
اليوم الثانى : طبق سلطة خضراء +طبق شوربة عدس (خالى من أى مادة دهنية ومضاف إليها أى خضار ترغبينه )
اليوم الثالث : طبق سلطة خضراء + قطعة دجاج أو لحم أو سمك مسلوقة أو مشوية
حوالى ربع كيلو وطبعا خالية تماما من أى دهون .
اليوم الرابع : طبق سلطة خضراء + طبق شوربة عدس كالسابق
اليوم الخامس : طبق سلطة خضراء + قطعة دجاج أو لحم أو سمك كالسابق
اليوم السادس : مثل الرابع
اليوم السابع : مثل الخامس
ثانيا : إوزنى نفسك
سوف تذهلين من النتيجة بس الشاطرة اللى تحافظ على هذا الإنجاز الرائع
مصر التى فى خاطرى وفى فمى ..أحبها من كل روحى ودمى
طريقة عمل شوربة العدس للراغبات فى الرشاقة
طريقة عمل شوربة العدس
(بتاعة الرجيم السابق )
كوب عدس يغسل ويصفى ثم يوضع على النار الهادئة مع 3 كوب ماء وطماطماية وبصلة و3 فصوص ثوم وعودين كرفس و1 فلفل رومى وملح وبهارات لمدة نصف ساعة بعد الغليان .ثم تضرب فى الخلاط . وبالهنا والشفا
مصر التى فى خاطرى وفى فمى ..أحبها من كل روحى ودمى
للرفع
تابعوني على Twitter وعلى Facebook
من مواضيعي
كيف تدار الأمور بالمحطة ,دروس أبو حميد الدينية في مسجد المحطة ,الرحمـــــــــــــــــــــن وخَلق الإنسان,تصميمات رائعة وأفكار مدهشة,أنواع النساء وطريقة شكمهن, قصة بدون عنوان , الدنيا حلوة يا زعل باي باي, ماذا يحدث في مصر الأن؟؟, قهوة الفيشاوي حكاوي وتاريخ, الشوارع حواديت, نجوم مصرية أضائت لنا, بحلم لبلدي وحبيبتي مصر, يا محطاوية مصر تحبوا تتقابلوا؟؟؟؟؟؟, أستفزاز عمرو دياب ..... نوكيا Aeon ذكريات من زمن فات ,كفر الطيبين,مسلسلات زمان , في المرآة , لو عاوز تتفسح روح وسط البلد , الحب الأول , الجنيه الطائر , منتخب المحطة الكروي ولسه كتيييييييييييير
هل هان الأقصى لنتركه؟؟!! انضم لحملة المحطة للدفاع عن الأقصى.
شوربة العدس نباتية 100% ومغذية ومفيدة ومفيهاش اي دهون
ياللا جربو وقولولنا النتيجة :)
.
.
والله نفسي بس صعب اوي خصوصا لما يكون في اطقال بتنوعي في اكلهم ولازم تتعرضي للضغوط واغرائات الحجات الي بتعمليها
زي مبيقولوا طباخ السم بيدوقوا
حراااااام
مفيش حل غير العذاب دا
المشاركة الأصلية كتبت بواسطة د/تيسير
العشاء نص كيلو جبن قريش بحاله كل يوم
جميلة اوي يا دكتورة تيسير ربنا يخليكي
انا هاطبعه واجربه
وخصوصا انا باموت في العدس
بس ممكن سؤالين
اية اقصى مدة للرجيم ده ... اصل انا ماشية علي ريجيم بقالي شهرين كل اللي خسيته 6 كيلو بس لما هاتجنن خلاص واللي مجنني اكتر واكتر اني بقالي اسبوعين ثابتة علي نفس الوزن وجسمي مش راضي ينزل ولا نص كيلو لما حاسة اني قربت ايأس وخايفة ارجع تاني وابوظ الريجيم
فيا ترى لو مشيت علي النظام الكيميائي ده هايجيب نتيجة سريعة ولا .... هافضل برضة في العذاب ده ...
وسؤال كمان ... مفيش اي اضرار صحية ناتجة عن الريجيم الكيميائي ده ... لاني سمعت ان الريجيم الكيميائي بيكون ليه بعض الاخطار الصحية ...
ارجو الافادة ...
شكراً...
دا طبيعييا اسكندرانيه لان الجسم بعد فترة بيتعود على النظام الي بتابعيه اظن بالرياضه تحصلي على نتائج افضل
فكرتينى ياأناناس بالرياضة .أنا فعلا نسيت أتكلم عن الرياضة
هذا الريجيم يلزم معاه على الأقل 35 دقيقة رياضة كل يوم
ماينفعش 30
عشان الجسم بيبدأ فى تكسير الدهون بعد 30 دقيقة . ولذا لازم نثبته بخمس دقائق زيادة .
واللى ماتقدرش على الرياضة أو الجيمانيزيوم .يمكن لها أن تمشى . بس يكون مشى سريع شوية يعنى . مش زى بتاع الفرجة على الفترينات اللى طبعا ماينفعش خالص .
ومن ناحية الرجيم الكميائى فهو بصراحة غير مستحب لفترة طويلة حيث أنه يحرم الجسم من المواد الضرورية . وكمان ممكن الجسم يرجع لوزنه تانى بسرعة إذا الإنسان لم يحافظ على إنجازاته .
لكن يعنى لما تكون الملابس اضيقت عليك مثلا وعايزة تخسى بسرعة قبل ماتروحى مناسبة معينة ممكن تستعملى الرجيم ده لمدة أسبوع أو أسبوعين ..مش مشكلة .
العشاء نص كيلو جبن قريش بحاله كل يوم
هو مكتوب كده
عموما النص كيلو يعادل قطعتين جبنة قريش كبار
بس أنا بالفعل باستكترهم وباخذ قطعة واحدة وافعصها على طبق سلطة خضراء ومطرح مايسرى يمرى
والله نفسي بس صعب اوي خصوصا لما يكون في اطقال بتنوعي في اكلهم ولازم تتعرضي للضغوط واغرائات الحجات الي بتعمليهاأنا مش شايفة أى مشكلة
أنا عندى ولادى بيموتوا فى العدس
بعد مابعمل الشوربة باروح واخدة طبق على أدى والباقى أحمر علية شوية شعيرية للولاد وأبوهم
وتبقى ليلة ياعمدة على رأى سعاد حسنى
يوم السبت فوتيه من غير طبيخ وخليهم يجيبوا ديليفرى لهم وإنت كلى السلطة واملى باطنك بيها
يوم الأحد: اتحفيهم بشوربة العدس أم شعرية إياها
يوم الإثنين : ده بقى يوم عيد هتاكلوا فيه لحمة أو فراخ أوسمك . بس مالكيش إنت دعوة بالخضار والرز .خليهم للعيال وأبوهم . وخدى إنت شوية شوربة من وسط الحلة وهى بتغلى عشان مايبقاش فيها دسم وقطعى عليها حته اللحم أو الفراخ ومعاه السلطة الخضراء هتشبعى وتبقى زى الفل.
وهكذا
اسألونى أنا عن الرجيمات لإنى لى معاها صولات وجولات
وعلى فكرة اصحابى كلهم بيقولوا لى إنت عندك إرادة وعزيمة جبارة . لإنك لما بتحبى تخسى بتخسى بطريقة ملحوظة جدا .
لكن المشكلة عندى إنى بازهق بسرعة وارجع تانى أدبها على الآخر.
يالله شكرا على مروركم الكريم
مصر التى فى خاطرى وفى فمى ..أحبها من كل روحى ودمى
انا متقوليش ليا على لما بديها انا لما بكون وحدي بخس اوي لاني مباكلش ممكن اعد قدام الكمبيوتر وانسى نفسي بس انابستعمل سكر كتير طول اليوم شاي قهوه نسكافيه
شكرا على الفكره والمساعده يا دكتورة
انا بحب شوربة العدس جدا بس فعلا يا دكتورة الشاطرة هى اللى تقدر تمشى على الرجيم دا
هو عموما انا ليا ملحوظة أخدت بالى منها وهى ان مفيش جسم بيقبل رجيم زى التانى
عن نفسى المشى بيجيب معايا نتيجة حلوة وسريعة وكمان مش بتعشى خالص
وهو دا الرجيم بتاعى لما بحس انى هفقد السيطرة على الامور :Bg-051:
شكرا يا دكتورة على المعلومات الحلوة اللى حتى لو مقدرناش ننفذها يبقى اكيد هنستفيد منها
ielm7ata
معلومات مفيدة يا دكتورة والعدس من الاكلات المحببة خصوصا فى الشتاء
انا ماشية على رجيم تانى مع دكتور تغزية خسيت على اثره 14 كيلو فى شهر و3 اسابيع
ان شاء الله سوف اكتبه بالمحطة للاستفادة . انا ممكن اعمل وجبة العدس دى فى اى يوم من ايام الرجيم
خصوصا انها من غير دهون وطريقتها سهلة
شكرا يا دكتورة على المعلومات
شكرا ليكم إنتم على مروركم وتعقيباتكم بناتى العزيزات
أناناس وأليكس واسكندرانية ومنال وأمانى
وشكرا جزيلا للأخ أبو حميد على رفع الموضوع
وشكرا لإبنى العزيز الطائر لملاحظته القوية
مصر التى فى خاطرى وفى فمى ..أحبها من كل روحى ودمى
اماني احيكي على ارادتك
انا خاسة لحد دلوقت 9 كيلو اظن اني لو مشيت على رجيم هنزل احسن
يريت تكتبي النظام الي ماشية عليه
تحياتي
عضو جديد اتمنى ان تقبلونى بينكم
اولا اشكر د/تيسير على رجيم شوربة العدس الرائع وخالتو امانى على الرجيم الخاص بها ايضا رائع وارجو منكم مساعدتى لكى اتخلص من 45كيلو وزن زيادة لان وزنى 123 وطولى 165 فارجو ان تتابعو معى حتى استفيد من خبراتكم وللاسف انى لم ارى هزا المنتدى الاقبل ثلاث ايام فقط وعندما قرأت الرجيم الخاص بكم قررت ان اقوم بعمل رجيم معكم وبكم وبالفعل بدأت من 3 ايام برجيم شوربة العدس وسوف اكمل بعد اسبوعين منه برجيم خالتو امانى بس ارجو مساعدتى وتحفيزى وتشجيعى حتى استمر فى هزا المشوار القاصى
ومعلش انا طولت عليكم بس ارجوا الرد عليا وخصوصا انى من اول ما بدأت الرجيم وانا عندى صداع مستمر فارجو الرد ضرورى ومساعدتى فأنتم القدوة لى الان وما تنصحونى بة سأفعلة دون تردد حتى اتخلص من هزه الشحوم المتراكمة فى البطن والارداف خصوصا
ارجو الرد فى اقرب فرصة ولكم جزيل الشكر
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
