المساعد الشخصي الرقمي

مشاهدة النسخة كاملة : اعمل رخصة قيادة سيارات دولية من على النت ( ادخل بسرعه)



على حسانين
12-Jan-2008, 07:49 AM
لا يمكنك مشاهدة الروابط قبل الرد
جايبلكم النهاردة موضوع سخن ملهلب جامد اوى. وانا بقلب في النت لقت موقع بيسمحلك انك تعمل رخصة دولية من على النت انا مصدقتش ازاى دة في مصر الناس بتتبهدل وبتسقط ستلاف مرة على ما بتتعمل وساعات بتتعمل بالرشوة والفلوس وتروح تتصور بس ويا عالم نصباية ولا لا!!!!

الموقع دة بيديك الفرصة تعمل رخصة قيادة دولية شوف الصورة دى بيقولك تقدر تسوق اى عربية في اى مكان في العالم من غير اختبارات ولا اى فيلم هندى

لا يمكنك مشاهدة الروابط قبل الرد
معترف بيها في اكتر من 200 دولة منهم مصر

لا يمكنك مشاهدة الروابط قبل الرد


كل اللى طالبينة منك في الموقع 3 حاجات


- تملى الابليكاشن (Application) وتبعتهالهم (التعليمات في الموقع)
-تبعتلهم رخصتك المحلية (اسكانر وش وضهر) بس لازم تكون مش موقوفة وتاريخ صلاحيتها شغال
- صورة شخصية

واللى عايز يقدم ويكتب الابليكاشن على طول من على النت ويدفع بالكريدت شغال

الموقع هنا يا شباب (لا يمكنك مشاهدة الروابط قبل الرد)

واللى عايز يعمل ابليكشن سواء اكانت تبعتهالهم اومن على النت من هنا (لا يمكنك مشاهدة الروابط قبل الرد)
بالتوفيق[][/COLOR][/SIZE][/B]

Alex lover
11-Jun-2008, 09:21 AM
الكلام ده مضمون ؟؟؟؟؟؟؟؟ ده شئ رائع بجد ..

على حسانين
17-Jun-2008, 02:20 AM
شكرا يا ايكس على المرور
ويارب تكونى استفادتى من الموضوع
وقدرت اوصل حاجه ليكو

nora
17-Jun-2008, 02:31 AM
بس ايه الي يضمن انه مش نصب ؟؟؟ وخصوصا ان الدفع بالكريدت

Alex lover
17-Jun-2008, 09:13 AM
اهو انا لما حكيت لجوزي قالي وعلى ايه الغلبه دي كلها الواحد بيروح يقدم على الرخصه الدوليه هنا في الكويت بياخدها تاني يوم ..

أبو حميد
17-Jun-2008, 09:58 AM
اهو انا لما حكيت لجوزي قالي وعلى ايه الغلبه دي كلها الواحد بيروح يقدم على الرخصه الدوليه هنا في الكويت بياخدها تاني يوم ..

لو عاوزاها علشان تسوقي في مصر الأحسن تنزلي مصر وتوريهم الرخصة الكويتي بتاعتك هيطلعولك الرخصة المصري وأنتي واقفة وبدون اختبار ووجع دماغ أو تكلفة زيادة.

Alex lover
17-Jun-2008, 10:10 AM
لو عاوزاها علشان تسوقي في مصر الأحسن تنزلي مصر وتوريهم الرخصة الكويتي بتاعتك هيطلعولك الرخصة المصري وأنتي واقفة وبدون اختبار ووجع دماغ أو تكلفة زيادة.



مين اللي قال كده .... ما انا سالت قبل كده قالولي مينفعش .. الله يخليك لو تعرف حد عمل الموضوع ده قولي عملها ازاي بدل التوهان اللي انا فيه

انت كنت فين من زمان

أبو حميد
17-Jun-2008, 10:17 AM
أنا متأكد أنه لو معاكي الرخصة الكويتي بتقدري تطلعي الرخصة المصري بدون أختبارات (وأنتي واقفة) وحصلت مع زوجة احد أصداقي السنة اللي فاتت.

لو في أجراءات معينة او مكان معين أنا هسأل النهارده وأبلغك وأطمني خالص من ناحية الموضوع ده.

Alex lover
17-Jun-2008, 10:52 AM
متشكرة اوي اوي .. هو جوزي هو اللي بيحاول يعملها .. وكل ما يسال حد يقوله لأ مينفعش ,,, ودلوقتي انا قلتله اللي انت قلته ده قالي انه برضه سمع انهم بياخدو منك الرخصة الكويتية ؟؟؟؟ !!!!! احسن حاجه اننا فعلا نسال صديقك لانه مر بالتجربة دي وياربت ماتنساش يا أبو حميد وشكرا جزيلا

الحاج فوزي
17-Jun-2008, 11:46 AM
أليكس هانم ..

أنا قعدت أسوق فى مصر سنين بدون رخصة .. ولما طلعت رخصة الكويت ، نزلت طلعت بيها رخصة مصرى ..

الموضوع بسيط ..

هيروح المرور ..
ويقولهم أن معاه رخصة كويتى وعايز يطلع رخصة مصرى لأنه يعرف أن فيه قانون بيقول أن اللى معاه رخصة من دول كذا وكذا وكذا .. من ضمنها الكويت ، يطلع رخصة مصرى علطول دون إختبارات ولا شىء .. وهوا واقف

طبعاً لازم يعمل إجراءات الرخصة العادية ، زى الكشف الطبى والنظر وفصيلة الدم ..

هوا يروح ياخد الأبليكشن ويطلع على أقرب مستشفى ، بس لازم حكومى مش خاص علشان الختم على الأوراق .

ويرجع يسلم الورق كله ..

طبعاً أنا فتحت مخى علشان أخلص قوام .. وعلشان الراجل يدخل يمضى الورق من الضابط بسرعة وعلشان الكمبيوتر اللى كان عطلان يشتغل بقدرة قادر علشان أتصور وأخد الرخصة علطول بدل ما أخد رخصة مؤقته وكده يعنى .

لو فيه إستفسار تانى انا تحت أمرك ..

Alex lover
17-Jun-2008, 12:24 PM
الف شكر يا حاج والله طمنتني .. كفيت ووفيت :)

أنا ناس
17-Jun-2008, 12:29 PM
أنا لسه متصله بأدارة المرور

لان معايا رخصه كويتي

وسألت ان كان ممكن الكلام ده

قالوا ليا لا


لازم اعمل اختبارات عادي حتى لو معايا الرخصه الكويتي

وفقدت امل ان اعملها بدون اختبارات

لكن الي عرفته اني ممكن ادفع 500 جنيه رشوه وأطلع رخصه منغير اي حاجه ولا حتى اروح ادارة المرور

انا عموما اديلي بتاع 5 شهور بسوق عادي منغير رخصه بس بخاف اطلع بره البلد عشان الكمائن

ومره عديت على كمين عملت نفسي مش شايفه و اخدت الحواجز بكل ثقه ومبصتش على حد وطلعت طوالي وطالما لابسه حزام الأمان كمان بيخليهم ميكلمونيش ثقه يا بنتي ثقه جمدي قلبك بس يا اليكس واتكلي على الله

Alex lover
17-Jun-2008, 12:47 PM
أنا لسه متصله بأدارة المرور

لان معايا رخصه كويتي

وسألت ان كان ممكن الكلام ده

قالوا ليا لا


لازم اعمل اختبارات عادي حتى لو معايا الرخصه الكويتي

وفقدت امل ان اعملها بدون اختبارات

لكن الي عرفته اني ممكن ادفع 500 جنيه رشوه وأطلع رخصه منغير اي حاجه ولا حتى اروح ادارة المرور

انا عموما اديلي بتاع 5 شهور بسوق عادي منغير رخصه بس بخاف اطلع بره البلد عشان الكمائن

ومره عديت على كمين عملت نفسي مش شايفه و اخدت الحواجز بكل ثقه ومبصتش على حد وطلعت طوالي وطالما لابسه حزام الأمان كمان بيخليهم ميكلمونيش ثقه يا بنتي ثقه جمدي قلبك بس يا اليكس واتكلي على الله



:(

طيب اصدق مين دلوقتي


يا حاج فوزي ... يا ابو حميد حد يرد عليها :(


اناناس انا مضطره ابلغ عنك :rockstar:

أنا ناس
17-Jun-2008, 12:51 PM
اليكس انا زيك فرحت من الخبر دا

بس قالي انت مش مصريه قلت ايوه قالي خلاص يبقى تعملي الاختبارات

او اعملي رخصه دولي

قلت لا انا خلاص مقيمه هنا قال يبقى خلاص اعملي اختبارات وجيبي 5 صور شخصيه وصورة المؤهل والبطاقه

انا نفسي كان ينفع عشان اخلص من الموضوع دا

nora
17-Jun-2008, 01:05 PM
فعلا مش بينفع كنت طلعتها من زمان يا اليكس انا معايا رخصه كويتي وقالو ليا نفس الكلام اعمل اختبار عادي جدا

Alex lover
18-Jun-2008, 02:36 PM
خلاص هاعمل رخصه دوليه ... واللي مش عاجبه يروح للحج فوزي

الحاج فوزي
18-Jun-2008, 06:01 PM
يا ألكس أنا مطلع رخصتى بدون إختبار بدلالة الرخصة الكويتى زى ما قلتلك ..

والراجل اللى عملى الورق صور مع الورق بتاعى نص القرار اللى بيقول ان اللى معاه رخصة كويتى يطلع عليها مصرى بدون إختبار ..

أنت بس تفتحى مخك هناك علشان الراجل اللى بيستلم الإستمارات يجيبلك القرار ويصوره ويدخل يخلى الظابط يختم الورق ..

أكيد ممكن موظف مش عارف يقولك لاء ما ينفعش ..

بالمناسبة الرخصة الدولية لا يقود بها المواطن فى بلده أو المقيم بصورة دائمة فى بلد أخرى ..


يعنى ما ينفعش واحد مصرى يسوق برخصة دولية فى مصر ..

وما ينفعش واحد مقيم فى الكويت إقامة ( مثلنا ) يسوق برخصة دولية ..


الرخصة الدولية للقيادة أثناء المرور أو الزيارة لبلدان أخرى .


يعنى لما تلفى بالسيارة أوروبا مثلاً لازم يكون معاكى رخصة دولية .

لما تسافرى تركيا وتحبى تأجرى سيارة ، لازم رخصة دولية .


واضح يا ست الكل الكلام ؟

على حسانين
18-Jun-2008, 06:58 PM
يا جمـــــــــــــــــــــــــــاعه نهايه الموضوع ده.
الرخصه المصريه بتطلع من غير اى اختبارات لان القانون نص على كده انتى لو دخلتى اى قسم مرور او اى وحده مرور على مستوى الجمهوريه حتشوفى لوح على الحائط مكتوب فيهاه التعلميات الا بترشدك للموضوع كيفيت استخراج رخصه مصريه اذا كنت تملك رخصه عربيه من خلال احد الدول التاليه ( طبعا الدول دى كثير ومنصوص عليهاه فى القانون وده تبع الا تفاقيات ما بين الدول وطبعا الدول دى بتعمل العكس)
ارجو ان يكون الموضوع كده اتسهل يا جماعه انا ماشى فى الموضوع الرخص ده ساسا اى حاجه عوزينهاه اسائلونى وانا افيدكو فيهاه
كل يشد جزام الامان بقى ههه

أنا ناس
18-Jun-2008, 07:00 PM
يريت انا مستعديه افتح مخي بس يعني اخري كام

اكتر من 500؟؟؟

الحاج فوزي
19-Jun-2008, 12:33 PM
مش قصدى يا أناناس ..

يعنى الباشكاتب اللى بياخد الطلبات لازم تراضيه علشان يجرى يوقع الطلب من الضابط ويقولك على الخطوات ..
ويبعتك بالإسم للراجل بتاع الخزنة ..

يعنى انا مثلاً كانت الخزنة قفلت .. الراجل فتح الخزنة تانى وخد الرسوم وإدانى الوصل .

والكمبيوتر كان عطلان .. إشتغل بحمد الله واتصورت وإستلمت الرخصة .. كده يعنى ..

الإكراميات العادية التى صارت شىء اساسى فى المصالح الحكومية .. بس زيدى عليها شوية علشان تخلصى علطول ..

أنا ناس
19-Jun-2008, 01:05 PM
خير ان شاء الله

انا فعلا بحس ان حركتي مقيده بخاف ان اي لجنه توقفني وانا من غير الرخصه

عموما انا هشوف الموضوع دا قريب وهقولكم عملت ايه

سما مصر
19-Jun-2008, 01:07 PM
القرار فعلا موجود ومسنخبي بين الادراج

ومش لأى حد يطلع القرار بإمكانية تغير الرخصة العربية ‘الي مصرية


لازم تدفع ياسيد وياسيده وتأبج كل اللى تشوفه هناك كدا سبحان الله زى

ماقال الحاج تتفتح لك الخزانه وهية مقفولة


والله فكرتوني بأيام ماكنت بمتحن فى مصر ورجعت على قمع محطوط على

الأرض صرخ الراجل وقال لا يامدام مينفعش كدا

قلت له لية هوه القمع ده ايه حطينه لية

قال دا كأنه راجل واقف يامدام

قلت له يا اخي يبقى يوسع وانا برجع هية معضله يعني

الاسد الطاير
14-Sep-2008, 05:50 AM
أليكس هانم ..

أنا قعدت أسوق فى مصر سنين بدون رخصة .. ولما طلعت رخصة الكويت ، نزلت طلعت بيها رخصة مصرى ..

الموضوع بسيط ..

هيروح المرور ..
ويقولهم أن معاه رخصة كويتى وعايز يطلع رخصة مصرى لأنه يعرف أن فيه قانون بيقول أن اللى معاه رخصة من دول كذا وكذا وكذا .. من ضمنها الكويت ، يطلع رخصة مصرى علطول دون إختبارات ولا شىء .. وهوا واقف

طبعاً لازم يعمل إجراءات الرخصة العادية ، زى الكشف الطبى والنظر وفصيلة الدم ..

هوا يروح ياخد الأبليكشن ويطلع على أقرب مستشفى ، بس لازم حكومى مش خاص علشان الختم على الأوراق .

ويرجع يسلم الورق كله ..

طبعاً أنا فتحت مخى علشان أخلص قوام .. وعلشان الراجل يدخل يمضى الورق من الضابط بسرعة وعلشان الكمبيوتر اللى كان عطلان يشتغل بقدرة قادر علشان أتصور وأخد الرخصة علطول بدل ما أخد رخصة مؤقته وكده يعنى .

لو فيه إستفسار تانى انا تحت أمرك ..


طيب يا حاج فوزى من فضلك
هو ينفع العكس يعنى لو انا معايا الرخصة المصرية ينفع برده احصل على الرخصة من اى دولة عربية تانية
تكون متفقة مع مصر على التبادل ده
ارجو الافادة

eltayer
14-Sep-2008, 07:33 AM
طيب يا حاج فوزى من فضلك
هو ينفع العكس يعنى لو انا معايا الرخصة المصرية ينفع برده احصل على الرخصة من اى دولة عربية تانية
تكون متفقة مع مصر على التبادل ده
ارجو الافادة

لا لإنهم عرفين ان في مصر بناخد الرخصة بتفتيح الدماغ زي الحج فوزي ما قال بالظبط

الاسد الطاير
14-Sep-2008, 04:00 PM
لا لإنهم عرفين ان في مصر بناخد الرخصة بتفتيح الدماغ زي الحج فوزي ما قال بالظبط


يعنى بجد مينفعش انى استخدم الرخصة المصرية فى استخراج اى رخصة تانية؟؟؟
امال اتفاق ايه اللى بين الدول اللى قالو عليه

eltayer
15-Sep-2008, 07:18 AM
يعنى بجد مينفعش انى استخدم الرخصة المصرية فى استخراج اى رخصة تانية؟؟؟
امال اتفاق ايه اللى بين الدول اللى قالو عليه

لا هي بتنفع

مثلا في الإمارات بتوفر لك نص حصص التعليم في مدرسة القيادة قبل الحصول علي الرخصة