مسلسلات زمان [الأرشيف]

أبو حميد

14-Apr-2007, 10:49 PM

أنا قلت مش معقول يبقى عندنا باب راديو وتليفزيون المحطة وما نتكلمش عن المسلسلات القديمة اللي كنا نقعد نستنى الساعة ثمانية بالليل قبل حديث الروح والنشرة أو تمثلية القناة التانية اللي كانت بتيجي الساعة ستة ونص (كنا غلابة أوي)

أنا بحب الشهد والدموع جدا الجزئين حلوين
ورحلة السيد أبو العلا البشري
يوميات ونيس
رافت الهجان
ميزو
رحلة المليون

لسه في تاني مسلسلات كتير يلا أفتكروا وفكرونا

سمـ مصر ــا

15-Apr-2007, 09:49 AM

والله فكرتنى بزمان يا ابو حميد

أنا فاكرة مسلسل كلن بيجى فى الاذاعة الساعة 5 اسمة صابرين

وكانت اغنيتة تبدأ بــأأأأأأأأأأة يازمن

مين فاكره ياجماعة

eltayer

15-Apr-2007, 09:57 AM

والله فكرتنى بزمان يا ابو حميد

أنا فاكرة مسلسل كلن بيجى فى الاذاعة الساعة 5 اسمة صابرين

وكانت اغنيتة تبدأ بــأأأأأأأأأأة يازمن

مين فكرة ياجماعة

مش أنا :36_1_19[1]:

سمـ مصر ــا

15-Apr-2007, 10:33 AM

مش أنا :36_1_19[1]:

طيب ما انا عارفة ان مش انت ياطاير لانك أكبر من مهاب ابنى بكام سنة

:36_11_15[1]:

eltayer

15-Apr-2007, 10:42 AM

هو عنده كام سنه

أبو حميد

15-Apr-2007, 10:48 AM

خلونا في المسلسلات

كلمات تتر صابرين للرائعة شادية الحان بليغ حمدي

صابرين......على المكتوب صابرين
ماشيين ..... جوه الدروب تايهين
وياما ياما ياما ياما ياما
في القلوب شايلين ياما ياما..
ولا.. لاااااا نتكلم ولا نحكي..
ولا.. لاااااا تنألم ولا نشكي..
ولو نحكي حنحكي لمين ؟؟
ولو نشكي حنشكي لمين؟؟
صابرين... صابرين

ده حتي... حتي اللي حوالينا..
اعز الناس... اعز الناس علينا..
جينا لهم لاجل يداوونا..
باعونا واشتروا فينا..
صابرين... صابرين

اللي عاوز يسمعه يدوس هنا (http://www.sawari.net/9/2/b/sabreen.wma)

eltayer

15-Apr-2007, 10:58 AM

سوري يا ابو حميد العمليه مشت لوحدها
انا عندي ليك مفاجأه حلو عاوز اغنيه اي تتر لاي مسلسل كله موجود هدورلك عليهم حالا وانزلهملك

ايه رأيك كده

صافي يا لبن ولا ايه

أبو حميد

15-Apr-2007, 11:09 AM

مفيش حاجة يا طاير دي محبة مش لوم

لكن بشكل عام وبدون تحديد اللي معندوش إضافة ما يدخلش يكتب معنديش إضافة واللي مش عارف يجاوب سؤال ما يدخلش يقول أنا مش عارف أجاوب كان سكت أفضل
واللي الموضوع خارج أهتماماته ليه يدخل يقول أنا مليش دعوة بالموضوع؟ المفروض ما يشتركش طالما مش موضوعه.

والكلام ده بعتبره تذكير لي شخصيا وللمفتشين قبل ما يكون للأعضاء.

أنا نفسي بقى في تتر الشهد والدموع وياريت تجيبهولي
تحت نفس الشمس وفوق نفس التراب
كلنا بنجري ورا نفس السراب

النسر المصري

15-Apr-2007, 11:10 AM

اقوى مسلسلات أثرت في مجرى حياتي اللولبيه

عم آدم
(مسلسل أثر في الى يومنا هذا...ووضع لي اسس الارتباط بين العائله وافرادها...وأهمية حمل الأمانه ..وأهمية احترام القيم والذات )

الزيني بركات
(مسلسل يودي ف داهية...كل يوم كنت بستناه على أحر من جمر...مسلسل فسر لي قوة العقل والدهاء والفكر العالي في التخطيط....كنت كبيرا وقتها.....فلم أهتم لما حالت إليه أمور المتبارزين فكريا...ولكن اهتممت للوسيله التي يستخدمونها بعبقريه بالغه)

قصر الشوق وبين القصرين
(أثر في تاريخيا وأسريا.. وأعجبت بشخصية السي سيد رغم كل الانتقادات....واليوم أجد أنه كان محقا في الكثير من الأشياء...لضمان الحفاظ على كيان الأسره.....بجانب تأثير الشخصيات الأخرى والحداث التاريخيه في رفع الحس الوطني لدي)

رأفت الهجان
(صحيح انني كنت من المعجبين بشده بذلك العمل التاريخي....لكنه لم يستطع ان يأسرني اليه....فانا لم اتابع كل حلقاته...ولكن كلمة حق ...انه عمل تاريخي افخر به)

مين مايحبش صبري (الاسم الحقيقي لمسلسل ...من الذي لا يحب فاطمه)
(مسلسل اجتماعي عجبني اوي اوي...وعجبني فيه شخصية صبري اللي كل مايروح مكان يلاقي واحده بتحبه وعاوزه تتجوزه...واللي غايظني ان العنوان مكتوب غلط!!!

مش هعيش ف بلوڤر بابا (لن اعيش في جلباب ابي)
مسلسل قمة في التوافق والترابط الابداعي...مع ان نهايته لم تكن موفقه.....ولكن اعجبني بشدة حب النجاح...وان العقل والايمان وحدهما كافيين لتحقيق ذلك)

عائلة عمو متولي
(صورة طبق الأصل لمسلسل قصر الشوق....بس بشكل حديث...وعجبني مووت)

النسر المصري

15-Apr-2007, 11:14 AM

بامناسبة ياطاير
تعرف تدبر لي الاغاني بتاعت السملسلات دي

يلا وريني الهمة

eltayer

15-Apr-2007, 11:18 AM

ثواني هخبط لفه واجبهملك حالا ادعيلي

بس انت كلوا علي لا ايه

هي ذكرت في اي مسلسل

Alex lover

15-Apr-2007, 11:31 AM

انا فاكرة بقى مسلسلين
واحد اسمه ((غوايش )) بطولة صفاء ابو السعود والجمله المشهورة اللي فيها
(كلام اخوك الكبير يصير يا حسنين .... ليه يا بوي ..؟ علشان اخوك الكبير يا ولدي ))

فيه بقى مسلسل انا فاكرة التتر بتاعه بس مش فاكره كانت اغنيته بيغنيها على الحجار
بتقول (( راحل من تاني رااااحل ,,, راااحل من تاني رااااحل )) حد يعرفها ؟؟

eltayer

15-Apr-2007, 11:44 AM

دول اللي حصلت عليهم دلوقتي
رأفت الهجان - 1
http://songs1.6arab.com/3amar-al-sherei3y_raafat-al-hagan-01.ram
رأفت الهجان - 2
http://songs1.6arab.com/3amar-al-sherei3y_raafat-al-hagan-02.ram

-3

http://songs1.6arab.com/3amar-al-sherei3y_raafat-al-hagan-03.ram

4-
http://songs1.6arab.com/3amar-al-sherei3y_raafat-al-hagan-04.ram

- 5
http://songs1.6arab.com/3amar-al-sherei3y_raafat-al-hagan-05.ram

-6
http://songs1.6arab.com/3amar-al-sherei3y_raafat-al-hagan-06.ram

-7
http://songs1.6arab.com/3amar-al-sherei3y_raafat-al-hagan-07.ram

-8
http://songs1.6arab.com/3amar-al-sherei3y_raafat-al-hagan-08.ram

-9
http://songs1.6arab.com/3amar-al-sherei3y_raafat-al-hagan-09.ram

-10
http://songs1.6arab.com/3amar-al-sherei3y_raafat-al-hagan-10.ram

-11
http://songs1.6arab.com/3amar-al-sherei3y_raafat-al-hagan-11.ram

-12

http://songs1.6arab.com/3amar-al-sherei3y_raafat-al-hagan-12.ram

مش عارف هما يامه ليه كده

عائلة الحاج متولي مقدمة

http://songs2.6arab.com/theme_3a2elat-al7ag-metwaly-(intro).ram

عائلة الحاج متولي نهاية
http://songs2.6arab.com/theme_3a2elat-al7ag-metwaly-(outro).ram

جرب كدة وقلي علي ما اشوف اي حاجة تانيه

انا عندي روابط كتيره لمسلسلات كتير اختاوري واللي عندي هنزلة

خلاص يا رجالة

أبو حميد

15-Apr-2007, 11:46 AM

غوايش بحبه جدا وكانوا بيعيدوه الساعة واحدة الضهر على القناة الأولى كل صيف وكنت بشوفه كل ما بيتعرض وأغنياته جميلة جدا تلحين العبقري عمر خيرت

المسلسل التاني هو مسلسل عبد الله النديم بطولة عزت العلايلي

اغنية المقدمة

يالولا دقة اديكى مانطرق بابى
طول عمرى عارى البدن وانتى جلبابى
ياللى سهرتى الليالى يونسك صوتى
متونسة بحس مين يا مصر فى غيابى
ادباتى اراجوز نديم صحبى وخلانى
زجال مهرج مركب صوتى فى لسانى
وصحيت لقيتنى اعرفك وانتى عارفانى
واخدانى من مجلس الضايعين وحطانى
على اعلى منبر يهزك صوتى وادانى
ياللى فطمتى النديم رديه صغير السن
بسكت الجرح يسكت
ينطق التانى
--------------------------
اغنية النهاية
راحل من تانى راحل
تردنى السواحل
فايت قلبى فى حاراتك
فايت صوتى فى سكاتك
وخضرتى فى نباتك
يا مصر وتنى راحل
راحل من تانى راحل
ومهما انزل بلد
بنزلها بالجسد
لكن القلب راحل
له فى السواحل ساحل
ف غيرك مانوجد
فايت قلبى فى حاراتك
سايب صوتى فى سكاتك
وخضرتى فى نباتك
وتنى راحل
راحل من تانى راحل

سمـ مصر ــا

15-Apr-2007, 02:12 PM

جميل الموضوع يا ابو حميد ورجعت لنا ذكريات حلوة

وكمان تترات حلوة

أنا فاكرة مسلسل تليفزيونى كنت أجد أمى شديدة التأثر بة

كثيراً كان اسمة الساقية حد شافة

Alex lover

15-Apr-2007, 02:27 PM

انا فاكرة الاسم يا سما ..

ابو حميد الف شكر انا كان نفسي الاقي الاغنية دي من زمان ، انا كنت وقتها في اولى اعدادي وكان ابن خالتي لسه بيبي خالص وكنت اغنيله اغنية النهاية (راحل ) كان يتفتح في العياط .. الولد مشاعره رقيقة قوي

طيب حد فاكر مسلسل المال والبنون ؟؟؟ بس ده مش بعيد قوي وليالي الحلمية

أنا ناس

15-Apr-2007, 10:01 PM

طيب ممكن نفتح الموضوع ونخليه مسلسلات وافلام

انا حبيت مسلسل حديث الصباح والمساء وساره و اولاد الشوارع و ريا وسكينه ورافت الهجان وليالي الحلميه و وطبعا بين القصرين واجزائها و التوأم واكيد المال والبنون وبموت في ذئاب الجبل والله كثير افتكر وراجعه

بنت من مصر

16-Apr-2007, 12:28 AM

طيب حد فاكر مسلسل أسمه زينب والعرش ومسلسل هى والمستحيل بتاع صفاء أبو السعود ومسلسل أبناء فى العاصفة

siwa

17-Apr-2007, 05:23 AM

.

أنا نفسي بقى في تتر الشهد والدموع وياريت تجيبهولي
تحت نفس الشمس وفوق نفس التراب
كلنا بنجري ورا نفس السراب

أتفضل يا أستاذ أحمد أغنية الشهد و الدموع

http://www.4shared.com/file/14233829/343b5953/_2__169_-_elshahd-waldomoo3-1.html

أبو حميد

17-Apr-2007, 06:49 AM

أحلا حاجة في سيوة غير أنها زمالكاوية طبعا

أنها بتظهر وقت اللزوم وتحقق المطلوب ولو أعرف أنها هاتظهر لما نطلب طلب كنا طلبنا من زمان نورتينا يا واحة الصحراء ونورتي المحطة وشكرا بجد على ظهورك وعلى الأغنية.

Alex lover

17-Apr-2007, 10:56 AM

طيب مين فيكم فاكر( حلقات كرتون روبي ) كانت بتيجي زمان لمة 5 دقايق قبل نشرة اخبار السعة 9 ..؟؟ كنت باحبها اوي واقعد استناها لازم اشوفها قبل ما انام

أبو حميد

17-Apr-2007, 03:17 PM

طيب مين فيكم فاكر( حلقات كرتون روبي ) كانت بتيجي زمان لمة 5 دقايق قبل نشرة اخبار السعة 9 ..؟؟ كنت باحبها اوي واقعد استناها لازم اشوفها قبل ما انام

كانت بتيجي على القناة التانية قبل النشرة الجوية الساعة تمانية إلا خمسة.

الرافعي

17-Apr-2007, 09:27 PM

رمضان

18-Apr-2007, 01:02 AM

طيب انا ادخل هنا اعمل ايه بس يعني يوم ما اتكلم على مسلسل قديم هيطلع جديد

انا اقدم حاجة بالنسبة لي ليالي الحليمة والمال والبنون

أنا ناس

18-Apr-2007, 01:11 AM

انا في مسلسلات قديمه كنت بتابعها بس بجد مش فاكره اسمائها

مسلسل بتاع عادل الامام حد عارفه

أبو حميد

18-Apr-2007, 09:26 AM

طيب إيه رأيك في القط الأسود ؟؟

دي قديمة شويتين .. كنت باخاف جداً لم تشتغل .. وخاصةً إنهم عملوها راديو وتليفزيون

طيب ... وليد وراندا في الفضاء ؟؟

لا دول قدام قوي أنا سمعت عنهم سمع يمكن شوفت حلقة ولا أتنين من القط الأسود في برنامج أبيض وأسود كان بيجي على القناة التانية.

وبخصوص عادل أمام هو عمل مسلسلين فقط هما أحلام الفتى الطاير (ابراهيم الطاير زي الطاير بتاعنا) ودموع في عيون وقحة :001: (جمعة الشوان) .

بنت من مصر

21-Apr-2007, 04:34 AM

طيب انا ادخل هنا اعمل ايه بس يعني يوم ما اتكلم على مسلسل قديم هيطلع جديد

انا اقدم حاجة بالنسبة لي ليالي الحليمة والمال والبنون

نعم نعم يا روميو ..... أقدم حاجة بالنسبة ليك ليالى الحلمية والمال والبنون :0011:

عاوز تعرفنا أنك لسه صغير ويا دوب أول مابدأت تشوف مسلسلات كانت ليالى الحلمية والمال والبنون .. بلاش الحركات دى ... ركز شوية هتفتكر الاقدم من دول .... ركزززززززز :078:

سمـ مصر ــا

21-Apr-2007, 08:03 AM

طيب إيه رأيك في القط الأسود ؟؟

دي قديمة شويتين .. كنت باخاف جداً لم تشتغل .. وخاصةً إنهم عملوها راديو وتليفزيون

طيب ... وليد وراندا في الفضاء ؟؟

تفتكر ياترى مين طلع القط الأسود فى النهايه

nora

21-Apr-2007, 10:10 AM

ايناس تقريبا مسلسل عادل امام كان اسمهه دموع في عيون وقحه

انا بحب اغنيه المال والبنون جدا جدا

القائد

04-Oct-2007, 09:23 PM

و مين ينسى مسلسل جمال الدين الأفغانى كان رائع برضه

رمضان

05-Oct-2007, 11:17 PM

ياريت حد يجيب لنا اغنية المال والبنون انا كمان بحب الاغنية دي وكمان اغنية بوابة الحلواني

أبو حميد

04-Nov-2007, 04:43 PM

و مين ينسى مسلسل جمال الدين الأفغانى كان رائع برضه

أنا مش فاكره خالص دو يا دكتور بتاع مين؟؟

كان في مسلسل عتيق أسمه "القاهرة والناس" بتاع نور الشريف وهو طالع جديد بطولة اشرف عبد الغفور وعقيلة راتب.

والمسلسل الإذاعي الشهير "عيلة مرزوق" تاني أطول مسلسل في التاريخ

القائد

04-Nov-2007, 07:52 PM

أنا مش فاكره خالص دو يا دكتور بتاع مين؟؟

أبو حميد ما كانش العشم ده إنت راجل تلفزيونى قديم و إعلامى كبير المسلسل ده كان بطولة محمود ياسين و إيمان الطوخى أول ما طلعت و كانت أحداثه بتدور عن قصة حياة الراجل من أول ما كان فى أفغانستان مرورا بمصر لغاية لما مات أخيرا لقيت مسلسل إنتوا ما تعرفهوش أحمدك يا رب

عصفور الجناين

17-Nov-2007, 09:00 PM

مرحبا

حد فاكر مسلسل أهلا بالسكان .....للراحل حسن عابدين

و مسلسل علي الزيبق..... فاروق الفشاوي

و مسلسل أبنائي الأعزاء شكرا.... عبد المنعم مدبولي

و مسلسل هند و الدكتور نعمان ... كمال الشناوي

و مسلسل عيون ... يونس شلبي \\

و مسلسل آخر ليونس شلبي مش فاكر إسمه بتاع الدكتورهات و الماجسترات

و أفتكر تاني و أقولكم

أبو حميد

17-Nov-2007, 09:44 PM

و مسلسل آخر ليونس شلبي مش فاكر إسمه بتاع الدكتورهات و الماجسترات

و أفتكر تاني و أقولكم

أهلا عصفور الجناين

طبعا فاكرين مسلسل "مطلوب عروسة" ليونس شلبي واحمد بدير وكانوا بيدوروا على عروسة شقرا بشعر أصفر وكان يونس شلبي مسمي نفسه دكاترة ناصف لأنه كان عنده أكتر من رسالة دكتوراه.

أنا ناس

18-Nov-2007, 09:12 PM

عصفور الجناين بجد فكرتني بمسلسلات فعلا كانت جميله

اظن ايضا كان في مسلسل اسمه شراره

ناسيه اسم الممثل هو مشهور وكان عن واحد منحوس

حد فاكره

أبو حميد

18-Nov-2007, 09:44 PM

عصفور الجناين بجد فكرتني بمسلسلات فعلا كانت جميله

اظن ايضا كان في مسلسل اسمه شراره

ناسيه اسم الممثل هو مشهور وكان عن واحد منحوس

حد فاكره

معقولة مش فاكرة محمد عوض "شرارة" والمسلسل أسمه "برج الحظ" وكان ليه تتر وموسيقى تصويرية جميلة.

بطولة صفاء أبو السعود وزين العشماوي وعبد الله فرغلي في دور الحانوتي بصراحة مسلسل تحفة وخلى كلمة شرارة هي كلمة بديلة للنحس.

وكان شرارة موظف تأمين يؤمن بالحظ والبراج وكان كل ما يامن على حد يموت وبعدين أتفصل واشتغل عند حانوتي ونحسه برضه وسمعته بقت مشهورة حتى حاول الأنتحار بينما تحاول صفاء أبو السعود أخراجه من وهم الحظ حتى تستطيع في النهاية.

بالنسبة لي بيفكرني ببطوط ومحظوظ من شخصيات مجلة ميكي لأن زين العشماوي كان محظوظ جدا لدرجة تنقط ومحمد عوض كان فقره دكر في المسلسل ده زي بطوط.

أفكركم بقى بمسلسل قديم أسمه "نجم الموسم" وكان بطولة الفنان الكبير محمد رضا وكان أسمه في المسلسل حنفي الونش" وكان ميكانيكي وبيتراهن عليه جميل راتب أنه يخليه مغني وفعلا بيحاول معاه ويسميه "شادي تانجو" وبعدين "حشمت مازورة" ولكن بيفشل في النهاية وكانت اغنية التتر مميزة جدا
حنفي الونش هيبقى ستار
ويخلي العالم تحتار
هيبقى ستار ستار ستار

ومسلسل ألف ليلة وليلة لحسين فهمي ونجلاء فتحي

أنا ناس

18-Nov-2007, 10:23 PM

ايوه محمد عوض انا عرفاه اكيد بس الاسم تاه من بالي

انت فعلا فكرتني بقصة المسلسل

كنت صغيره وقتها

وكان في مسلسل عصفور النار لفردوس عبد الحميد

واكيد مسلسل هو وهي الرائع لاحمد زكي وسعاد حسني

أبو حميد

10-Mar-2008, 01:30 AM

وكان في مسلسل عصفور النار لفردوس عبد الحميد

واكيد مسلسل هو وهي الرائع لاحمد زكي وسعاد حسني

عصفور النار مسلسل جامد وبيناقش قضية مهمة للكاتب أسامة انور عكاشة والمخرج محمد فاضل بطولة طبعا فردوس عبد الحميد والمقتدر محمود مرسي ومحمود الجندي ودور رائع لعبد الله محمود.

هو وهي كان حدوتة لأنه تأليف المبدع صلاح جاهين وتمثيل العمالقة سعاد حسني وأحمد زكي وعرض لأول مرة في رمضان وكان الناس كلهم منتظرينه وخصوصا اول حلقة "جرس الفسحة" وأغنية "البنات البنات" .

مشاعر انسانه

10-Mar-2008, 02:53 AM

الله
الموضوع ده جميل
انا بحب احلى مسلسل المال والبنون
وذئاب الجبل
وعيون

أبو حميد

31-Jul-2008, 01:56 AM

لمحبي القديم

يذاع حاليا على قناة روتانا زمان مسلسل أبنائي الأعزاء شكرا الشهير بـ بابا عبده بطولة عبد المنعم مدبولي ويحيى الفخراني وصلاح السعدني وفاروق الفيشاوي وفردوس عبد الحميد وأثار الحكيم أخراج محمد فاضل

مسلسل يحمل الكثير من الذكريات لزمن جميل.

essamcbe

12-Nov-2008, 02:53 AM

ايه يا جماعة الذكريات الجميلة دى، مجرد تذكر المسلسلات دى بيفكرنى بحاجات جميلة جداَ وبزمن الراحة من كل الأعباء، عموماً أنا حأفكركم ببعض المسلسلات اعتقد أن قليل من يذكرها ( جايز أبو حميد يفتكر حاجة منها)
أقدم مسلسل تليفزيونى كوميدى أتذكره (التتر بتاعه فقط) هوه: الحق الحق الحق الفرخة اتكلمت
وكمان كان فيه مسلسل تليفزيونى بطولة عبد المنعم مدبولى اسمه " الساحر الصغير" التتر كان بيقول:
الساحر الصغير علشانكم يا شطار ينزل يطلع يطير
وده كان أيام كارتون شهير جداً كان اسمه "فرافيرو" وكان عن فأر سوبروبيطير وتم وقف عرضه بسبب وفاة طفل حاول يقلد فرافيرو ويطير من على سطح منزلهم
وكمان أتذكر "وليد وراندا فى الفضاء"
وما زلت أذكر الكثير من المسلسلات التلفزيونية حأفكركم بيها قريب
أما عن المسلسلات الااذاعية
أقدم مسلسلات أتذكرها( التتر فقط طبعاًُ)
الشمندورة وكانت غناء مطرب نوبى مغمور (كنت فاكره محمد حمام بالخطأ)
صعيدى ولا بحيرى ولا الهوى رماك
أشجع رجل فى العالم
رضا بوند
الحب الضائع
وفى الختام أنا آسف على هذا التطويل لكن والله يا جماعة طول ما أنا باكتب باتذكر أحداث وذكريات جميلة بأشكركم عليها
على فكرة أنا عندى احساس انى ممكن أكون أكبركم سناً وان المسلسلات اللى ذكرتها من المتحف
كبرتونى يا ولاد الايه ، وعلى رأى صلاح ذو الفقار الله يرحمه " عملتوها يا أبطال

=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

أبو حميد

12-Nov-2008, 09:30 PM

أستاذ / عصام
يعني مش هقدر أوصفلك سعادتي بقراءة ذكرياتك الجميلة خصوصا أنها في أول مشاركة لك في المنتدى.

بصراحة كنت أتمنى أكون شفت المسلسلات دي لكن أنا سمعت عن وليد وراندا في الفضاء كان ذكرها الأستاذ الرافعي في مداخلة واضح أنكم من جيل واحد

طيب إيه رأيك في القط الأسود ؟؟

دي قديمة شويتين .. كنت باخاف جداً لم تشتغل .. وخاصةً إنهم عملوها راديو وتليفزيون

طيب ... وليد وراندا في الفضاء ؟؟

وسمعت عن فرافيرو وقصة الطفل كما أستمعت لبعض المقاطع لبعض المسلسلات التي ذكرتها في برنامج ذكريات اذاعية.

لكن علشان مزعلكش لازم أبحثلك عن بعض المعلومات عن المسلسلات التي ذكرتها.

كتبت رواية الشمندورة سنة 1964م . وجسدت حياة النوبيين ما قبل وأثناء الهجرة وتحولت فيما بعد إلى مسلسل إذاعي أعدها الكاتب / محمود الشوربجي . ليجمع أبناء النوبة في كل أنحاء مصر المحروسة حول المسلسل . وهناك محاولات من الأستاذ / محمد منير ليحولها إلى فيلم سينمائي .

* رواية الشمندورة .
ليست رواية ولا قصة أدبية وإنما هي وثيقة فنية تراثية يبوح بأسرار ووهج وبريق النوبة وهذا يدل على اتصال الكاتب بعالمه الحقيقي وصاغها كأنها حواديت ألف ليلة وليلة أو كأنها ليالي المسك العتيق .

essamcbe

12-Nov-2008, 10:46 PM

يا أهلاً يا أبو حميد
أشكرك جداً على الرد السريع، وعلى المعلومات عن الشمندورة ( طيب تعرف ايه هيه الشمندورة؟)
وانا حاسس اننا حنبقى اصحاب على الرغم من انك جمعتنى أنا والرافعى فى جيل واحد
المفاجأة انى كنت فى كى جى 2 وهوه فى كى جى 1
المهم تعالى يا أبو حميد وانتم يا أصدقائى أفكركم ببعض المسلسلات الاذاعية والتليفزيونية
من أقدم المسلسلات الاذاعية اللى بأتذكرها (تتر فقط طبعاً) ريا وسكينة، وطبعاً كنت باترعب منها وكان التتر بتاعها هوه نفسه اللى فى الفيلم (ياختى عليها وياختى عليها) غناء شفيق جلال.
وأيضاً نحن لا نزرع الشوك وكان التتر من غناء الفنانة شادية وكانت بتقول والله يا زمن ما بايدينا زرعنا الشوك ولا روينا يا زمن، وانت يا زمن، قاسى علينا، بتبدر الشوك حوالينا يازمن
وطبعاً كلنا نفتكر علامة من علامات رمضان وهى مسلسل فؤاد المهندس وشويكار وكنا نسمعها بعد ما نسمع تواشيح الشيخ النقشبندى ( الله يا الله) والفزورة فى البرنامج العام ( تقديم آمال فهمى)، ومن أقدم تلك السلسلة (شنبو فى المصيدة) (العتبة جزاز) ، وأذكرانه فيه مرة الاذاعة وقفت مسلسل فؤاد المهندس وشويكار بسبب انخفاض مستواه ، وكان اسمه ( سها هانم رقصت على السلالم )
أما بالنسبة للمسلسلات التليفزيونية من أقدم مسلسلات رمضان (فرصة العمر) بطولة محمد صبحى ونسرين، ومسلسل برج الحظ ( شرارة) ومسلسل نجم الموسم ( حنفى الونش) ومسلسل (أديب) بطولة نور الشريف
أما المسلسلات غير الرمضانية فمن أقدم ما أتذكره على الاطلاق مسلسل أجنبى اسمه بات مان ( من أيام فرافيرو برضه ) ، وأيضاَ مسلسل اسمه ( الجنة العذراء) بطولة كريمة مختار، و(عادات وتقاليد ) بطولة عقيلة راتب وعبد العظيم عبد الحق وكانت كل حلقة تعالج مشكلة اجتماعية ولازم تطلع عقيلة راتب غلطانة، وأيضاً أتذكر ثلاثية (الضحية، والرحيل، والساقية) و........

كفاية كده النهاردة علشان الاقى حاجة أقولها فى الحلقة الجاية
سلام

أبو حميد

12-Nov-2008, 11:08 PM

الشمندورة عارفها اللي هي العوامة أو البراميل الطافية اللي بيعلموا بيها الأماكن في المياة.

اما المسلسلات التليفزيونية التي ذكرتها فأتذكرها جميعا "فرصة العمر" علي مظهر علي بيه - محمد صبحي (وهوب تبقى فوق) ونسرين وحسن عابدين وانعام سالوسة كانت تحفة

"برج الحظ" شرارة محمد عوض(هارد لك صحيح) وصفاء أبو السعود وزين العابدين وليلي فهمي وعبد الله فرغلي في دور الحانوتي

نجم الموسم "حنفي الونش هيبقى ستار ويخلي العالم تحتار" محمد رضا وجميل راتب

ومسلسل "أديب" نور الشريف مش فاكر منه غير وش نور الشريف كان مشوه

طيب يا أستاذ عصام ياريت تشوف الموضوع ده هيعجبك

ذكريات من زمن فات (http://www.elm7ata.org/vb/showthread.php?t=4667)

أبو حميد

14-Nov-2008, 02:12 AM

روتانا زمان تذيع حاليا مسلسل مارد الجبل بطولة نور الشريف وليلى حمادة والجميل بقى أتي أول مرة أعرف أن عبد الرحيم منصور هو كاتب المقدمة والنهاية كما شارك في الحوار لأن البطل في المسلسل رغم أنه من المطاريد لكنه شاعر ولذلك أشترك الشاعر عبد الرحيم منصور في الحوار.

المقدمة والنهاية غناء محمد ثروت.

Ahmad Farahat

12-Dec-2008, 02:22 AM

انا كبير مش صغير

علشان كده هاقول مسلسلات كتير جدا

انا كنت باحب قوي

محمد رسول الله

الوعد الحق

الكعبة المشرفة (جميل راتب عمل فيها دور إبليس وكان رهيب)

أديب

مارد الجبل

حنفي الونش

حكاية ميزو

الشهد والدموع (بس نسيته)

غوايش (نسيته)

جمال الدين الأفغاني

الراية البيضا

عيون

حاسب من شرارة

الرجل والحصان

الوسية

أولاد آدم

ليلة القبض على فاطمة

وغيرهم كتير

بس استنوا اما افتكر شوية

حازم أحمد

12-Dec-2008, 03:23 AM

وانا كنت بحب اتفرج
علي القط الاسود
مش عارف تعرفها ولا اء
القط الاسود
عائلة ونيس
رحلة المليون
رافت الهجان

Miss\ Nemnem

13-Dec-2008, 12:54 AM

ياه موضوع ده جميل اوى
افتكرت ايام ما الاخوة كانو صغيرن وكانو يناموا الساعة 8
كانو بعد ما ينامو نتفرج انا وماما على مسلسل ابو العلا البشرى
ياه المسلسل ده بموت فيه وبحب تمثيل محمود مرسى جدا
وكان بيجى على القناة السابعة الساعة 11ونص وكان الاجزاء بتاعت المسلسل بتجى وراء بعضها
ومسلسل ليالى الحلمية و المال والبنون و الشهد والدموع و حسن ارابيسك والزيني بركات
مسلسلات كانت روعة

سلمى سمير محمد

04-Jan-2009, 06:02 PM

لو ممكن ضرورى تتر مسلسل ابو العلا البشرى
بلييييز

أبو حميد

04-Jan-2009, 08:38 PM

لو ممكن ضرورى تتر مسلسل ابو العلا البشرى
بلييييز

أهلا سلمى نورتي المحطة

أعتقد أن التتر موجود في المحطة ولو مش موجود منال ابراهيم المفتشة العامة ومشرفة الرصيف هتقدر تجيبهولك إن شاء الله

أبو حميد

24-Jan-2009, 11:23 AM

وجدت أن احد الواصلين لهذا الموضوع كان يبحث عن قصة مسلسل غوايش

فقررت أن أكتب قصة مسلسل غوايش حسب ما أتذكر وبأختصار

يدور المسلسل حول العمدة الصعيدي "عبد البديع العربي" وزوجته "زوزو نبيل" وأولادهما المعلا جانون (قانون) "نبيل الحلفاوي" القاسي القلب وحسانين "فاروق الفيشاوي" الذي تلقى تعليمه في مصر وأختهم العانس "أنعام سالوسة غالبا" التي يقوم أحد شباب القرية بالتقدم لخطبتها وعندما يراها يتراجع عن خطبتها (أقبل على الموت ولا اقبل عليها) فيقوم المعلا جانون بالتخطيط لقتله يوم فرحه ولكن بالمصادفة يتواجد حسانين مع كلاف العمدة المحب لعزف المزمار "أحمد بدير" فيتم ألقاء التهمة على حسانين ويصر والد القتيل "ابراهيم الشامي" على قتل حسانين الذي يهرب مع فرقة الغوازي التي كانت قادمة لأحياء الفرح وهم غوايش "صفاء أبو السعود ووالدها "محمد توفيق" والفتوة المحب لها وتقع قصة الحب بين حسانين وغوايش وتنتهي بزواجهما رغم رغبة أخيه وهروبهما معا لمصر خوفا من التار ومن مطاردة أبو العريس المغدور.

من اللزمات الشهيرة للمسلسل

حديث أم الجانون مع حسانين: كلام أخوك الكبير يصير يا حسانين (ليه يا أماي؟) علشان الكبير يا ولدي
كلام الفتوة : حديد على حديد يفعل الله ما يريد (للتعبير عن قوة عضلاته)
كلمة الكلاف : قطع الزمير واللي شار بيه (ندما على ذهابه للفرح المشئوم)

manal ibrahim

26-Jan-2009, 09:54 AM

من فترة كبيرة وانا بشوف الموضوع دا ودى اول مرة ادخله

قريت كل كلامكم عن المسلسلات القديمة ولقيت انى فاكراها كلها ورجعتم ليا ذكريات جميلة وقت ما كنا كلنا نتجمع مع بعض وقت عرض المسلسل علشان نتفرج عليه والجو هس علشان نركز فى الاحداث ومفيش حاجة تفوتنا

بجد كان لكل شىء قيمة ومعنى

مش دلوقت المسلسلات بقت اكتر من الناس ولو شوفنا حلقة بننسى نشوف التانية

شكرا يا ابوحميد لحرصك الدائم بتذكيرنا بكل ما هو جميل وراقى

بس بسم الله ما شاء الله من غير حسد انت موسوعة :Bg-055:

أبو حميد

26-Jan-2009, 10:55 AM

من فترة كبيرة وانا بشوف الموضوع دا ودى اول مرة ادخله

طيب شوفتي المداخلة بتاعتي دي:

أعتقد أن التتر موجود في المحطة ولو مش موجود منال ابراهيم المفتشة العامة ومشرفة الرصيف هتقدر تجيبهولك إن شاء الله

أهو بتفشخر بيكي قدام كل الأعضاء الجدد وبقول تعرفي تجيبي أي حاجة يا ريت بقى تسعفينا بالأغنيتين بتوع التتر والنهاية لمسلسل رحلة السيد أبو العلا البشري بصوت علي الحجار (الجزء الأول) وبصوت مدحت صالح الجزء التاني

شكرا يا ابوحميد لحرصك الدائم بتذكيرنا بكل ما هو جميل وراقى

بس بسم الله ما شاء الله من غير حسد انت موسوعة :Bg-055:

يا ستي ربنا يخليكي على كلامك الجميل هو فعلا أنا كنت مركز مع المسلسلات زمان لكن في معلومات مذكورة هنا جيبتها من على النت علشان الموضوع يطلع مليان بالمعلومات ومتكامل.

manal ibrahim

26-Jan-2009, 11:05 AM

طبعا قريت كل المشاركات وعرفت قد ايه بتثق فيا وانا مش هخيب ظنك ابدا ان شاء الله

اتفضل

دا تتر بداية مسلسل ابو العلا البشرى بصوت على الحجار

حمل من هنا (http://www.2shared.com/file/2161245/57558a8b/___.html)

ودا تتر النهاية

من هنا (http://www.2shared.com/file/2161254/39498b5c/___.html)

وجارى البحث عن اغانى الجزء الثانى

امانى

26-Jan-2009, 11:01 PM

موضوع جميل فى الحقيقة اول مرة اشوفه . رجعتنا يا ابو حميد لزمن المسلسلات الجميلة والهادفة

طبعا كل المسلسلات اللى ذكرتها يا ابو حميد رائعة الى جانب مسلسلات الاخوة والاخوات جميعا افتكر

كا فى مسلسل اسمه الشارع الجديد لعزت العلايلى وفردوس عبد الحميد كمان احلام الفتى الطاير كمان

زينب والعرش وفى الاذاعة نحن لا نزرع الشوك وارجوك افهمنى بسرعة والصبر فى الملاحات وعلى

باب الوزير قبل ما تتعمل فيلم كمان مسلسل ارابيسك وبابا عبدو والعاصفة وغيرها كتير بس الذاكرة دلوقت مش مساعدانى

أبو حميد

28-Feb-2009, 02:13 AM

تذاع الأن على روتانا زمان مسلسل المشربية للمبدع / أسامة انور عكاشة وأخراج فخر الدين صلاح وتدور حول بيت الحلواني في درب سنجق والذي يستخدم كمكان للرسامين ولكن هناك من يريد أبعادهم عنه.

بطولة كوكبة من النجوم بدءاً من شكري سرحان وسميحة أيوب ونسرين وفردوس عبد الحميد و محمود الحديني وعبدالرحمن ابو زهرة وابراهيم الشامي وأنور اسماعيل وصبري عبد المنعم والكثير من النجوم

أغنيات البداية والتهاية لتوفيق فريد من كلمات عبد الرحيم منصور وألحان بليغ حمدي.

حازم أحمد

28-Feb-2009, 02:18 AM

ابنائي الاعزاء شكراً

الرحيل

amr

05-Mar-2009, 07:42 AM

manal ibrahim

07-Mar-2009, 05:24 AM

وأخيرا جبت أغنية مسلسل ابو العلا البشرى الجزء الثانى بصوت مدحت صالح

حمل من هنا (www.4shared.com/file/42563983/d116b666/___90.html?s=1)

وتمضى الايام

20-Mar-2009, 06:07 PM

MEDHAT2007

01-Apr-2009, 04:26 AM

أبو حميد

01-Apr-2009, 11:40 AM

ميرسى على الاغانى والذكريات دى انا فرحانه انى لقيت بعض الاغانى دى لنتو مش عارفين وانا بقرأ كلامكو حسستونى بإيه فرحت وفى نفس الوقت زعلت جدا علشان عاوزة الايام دى ترجع تانى يا ريتها ترجع ويرجعو الناس اللى فقدتهم اللى كانو معايا فى الايام دى انا عضوة جديده من مصر اسمى ايات

أهلا أيات

أنا أسف لسه شايف رسالتك حالا وأنا فعلا بحب الموضوع ده لأنه بيفكرنا بذكريات جميلة وناس جلسنا معهم لنشاهد هذه المسلسلات وقت أن كان مسلسل الثامنة على القناة الأولى هو الشيء الذي تحرص العائلة على التجمع أمامه وأتمنى اشوف مشاركاتك في المنتدى.

ولو عاوزة تفتكري الذكريات الجميلة هتلاقي حاجات تعجبك في موضوع ذكريات من زمن فات الرابط (http://www.elm7ata.org/vb/showthread.php?t=4667)

أبو حميد

01-Apr-2009, 11:40 AM

السلام عليكم فى البداية أخى الكريم
أنا عضو جديد وطالب خدمة ياريت ألاقيها عندك

كنت كاتب فى الصفحة الرابعة أول رد عن مسلسل مارد الجبل ممكن تجيبلى روابط ليه

أو حتى تقولى على عنوانك واجى أخده منك لأن واحد عزيز عليا طلبه منى ونفسى أجيبهله

وأشكرك حتى لو مش هطلبى الطلب

أنا كتبت الرد بتاع مارد الجبل لأنه فعلا مسلسل جميل يستحق المتابعة ووقتها كانت روتانا زمان بتذيع المسلسل وده كان من فترة وخلص طبعا.

حاليا مفيش غير أننا نبحثلك على النت للحصول على الروابط لو كانت موجودة أو على الأقل الأغاني والأشعار.

ALFaHD-29

26-May-2009, 02:33 PM

جميل منتد

Sphinx747

16-Jun-2009, 08:23 AM

السلام عليكم أخوانى الأعزاء
فى البداية أحب إنى أعبر لكم عن شعورى عندما وجدت هذا الموقع بالصدفة وهو طبعاً شعور جميل جداً وان الدموع فرت من عينى وأنا بأتصفح كل المواضيع الحلوة دى وأفتكر كل ذكريات الطفولة وذكريات تانية كتير قوى.
بصراحة أنا ماكنتش مصدق نفسى . . . (نفس عميق. . . . . همممممممممممممممممممممممممم)

اخش بقى فى الموضوع. . أنا نفسى يكون فى حد فاكر تمسيلية كان التتر بتاعها على ماأفتكر

يا شط يامهجور . . جوايا ضلما ونور . .
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على شواطى الغربة . . . .

وعلى ماأفتكر ان البطل كان حسن يوسف وهو صغير وكان هربان من إيه . . مش فاكر . . وكان هربان فى حتة على البحر . . . وبعد كدة النور انقطع . . أقصد ان الكهرباء كانت ماتحبش تقطع الا على موعد المسلسل . . . وعلى ماأعتقد الإسم كان (الشاطىء المهجور)

ياسلام لو حد فاكرها ويحكيلى القصة بتاعتعها. .

محمود خطا

10-Jul-2009, 10:34 PM

انا اريد مسلسل برج الحظ لمحمد عوض وصفاء ابو السعودnom1

anas e

19-Jul-2009, 11:49 PM

السلام عليكم
سمعت وقريت عن المنتدى واتساع معارفكم فأرجو المساعدة في الحصول على تتر مسلسل لا أتذكر أسما ولكن أتذكر لحنة وبعض كلامة والكلام كما يلي:
" حكاية من بين حكاياتنا .... ما بين شارعنا وحارتنا "
أرجو المساعدة في الوصل لمعلومات عنة أو الموسيقى ذاتها ، حياتي.

anas e

25-Jul-2009, 01:44 AM

السلام عليكم
سمعت وقريت عن المنتدى واتساع معارفكم فأرجو المساعدة في الحصول على تتر مسلسل لا أتذكر أسمه ولكن أتذكر لحنة وبعض كلامة والكلام كما يلي:
" حكاية من بين حكاياتنا .... ما بين شارعنا وحارتنا "
أرجو المساعدة في الوصل لمعلومات عنة أو الموسيقى ذاتها ، تحياتي.

هل تعرف أي أخ على هذا المسلسل؟

أبو حميد

25-Jul-2009, 02:27 AM

ehab2010

25-Jul-2009, 12:50 PM

يااااه فكرتني بأيام زمان انا كنت احب عائلة ونيس جداً بكل اجزائها و ايضاً المال و البنون و ليالى الحلمية

tamersayed

06-Aug-2009, 05:38 PM

انا في منتهى السعادة لانضما مى لاسرة المنتدي واتمني لكم الاحسن والافضل اتمنى من فضلكم مسلسل ابو العلا البشرى

نفسى احمل مسلسل ابو العلا اليشر ى

بلاك هورس

30-Aug-2009, 11:16 PM

الموضوع ده جميل جدا
بس مهما كان بيقلب شجون جوا الواحد
وحنين للماضي
بلاش الكلام النكد ده
بس بجد انا حابب المسلسلات اللي اتقالت هنا
واحب اضيف على مسلسلات احمد فرحات
مسلسل العملاق
اللي كان عن العملاق عباس العقاد واللي مثله العملاق محمود مرسي
وسلسلة اجزاء مسلسل لا اله الا الله
وسلسلة اجزاء مسلسل محمد رسول الله

بلاك هورس

30-Aug-2009, 11:22 PM

انا ملاحظ ان الكل بيسال عن اغنية المال والبنون
وانا معاهم
في حد يعرف يجيبهم؟؟؟؟؟؟؟؟؟؟؟

Ahmad Farahat

30-Aug-2009, 11:43 PM

إحتفالا مني بعودة حبيبي بلاك هورس

آدي أحلى مقدمة ونهاية تتر مسلسل المال والبنون لأحلى باشمهندس في الدنيا

المقدمة (http://www.4shared.com/file/51519008/a113f81e/____.html)

النهاية (http://www.4shared.com/file/51520194/420d5011/____.html)

موسيقى داخلية 1 (http://www.4shared.com/file/51529640/8889b34a/______1.html)

موسيقى داخلية 2 (http://www.4shared.com/file/51519729/e16dbc8f/______2.html)

بلاك هورس

30-Aug-2009, 11:56 PM

kareem11k

03-Oct-2009, 02:50 PM

مشكورررررررررررررررررررررررررررررررررررررررررررررر ررررررر

صلاح عمران

17-Oct-2009, 05:49 PM

اريد مسلسل نجم الموسم

أبن الحته

22-Oct-2009, 12:05 AM

مسلسل وليد ورندا فى الفضاء بطوله الفنان العظيم ممدوح عبد العليم وهو طفل صغير وكان معاه الفنان القدير المرحوم عبد المنعم أبراهيم وطفله صغيره فنانه لم تشتغل بالفن بعد ذلك فهى غير معلومه للجميع * أما مسلسل ألحق ألحق الفرخه أتكلمت كان بطوله الفنانه القديره المرحومه سناء جميل والفنانه الجميله المعتزله نسرين وأنا فاكر مقاطع من المسلسل كانت الفنانه نسرين بتتكلم من بطنها وتقول للفنانه سناء جميل أن الفرخه هى اللى بتتكلم كان مسلسل روعه وجميل وكان سنه 1971ومسلسل وليد ورندا فى الفضاء كان سنه 1972 والله زمان يافن

أبن الحته

22-Oct-2009, 12:15 AM

وكمان كان فيه مسلسل أسمه سفينه الحب بطوله الفنان يحيى الفخرانى وكان طالع فيه قبطان وكان أسمه فى المسلسل كابتن فيظو ومغرق 24 سفينه وكان مسلسل أستعراضى غنائى وكوميدى وجميع المطربين مصريين وعرب وراقصات أشتركوا فى هذا المسلسل

أبن الحته

22-Oct-2009, 12:31 AM

طبعآ فاكرينه كويس قوى هو معقول اى حد ينساه وكان بطوله عبد الغنى قمر( سلطان بيه ) و زيزى مصطفى وصلاح السعدنى وملك الجمل ودى كانت ثلاثيه الساقيه الضحيه الرحيل

أبو حميد

24-Oct-2009, 01:27 AM

مسلسل وليد ورندا فى الفضاء بطوله الفنان العظيم ممدوح عبد العليم وهو طفل صغير وكان معاه الفنان القدير المرحوم عبد المنعم ابراهيم وطفله صغيره فنانه لم تشتغل بالفن بعد ذلك فهى غير معلومه للجميع
* أما مسلسل ألحق ألحق الفرخه أتكلمت كان بطوله الفنانه القديره المرحومه سناء جميل والفنانه الجميله المعتزله نسرين وأنا فاكر مقاطع من المسلسل كانت الفنانه نسرين بتتكلم من بطنها وتقول للفنانه سناء جميل أن الفرخه هى اللى بتتكلم كان مسلسل روعه وجميل وكان سنه 1971ومسلسل وليد ورندا فى الفضاء كان سنه 1972 والله زمان يافن

بصراحة المسلسلين دول قدام قوي مشوفتهومش ومش فاكرهم

وكمان كان فيه مسلسل أسمه سفينه الحب بطوله الفنان يحيى الفخرانى وكان طالع فيه قبطان وكان أسمه فى المسلسل كابتن فيظو ومغرق 24 سفينه وكان مسلسل أستعراضى غنائى وكوميدى وجميع المطربين مصريين وعرب وراقصات أشتركوا فى هذا المسلسل

المسلسل ده بقى شوفته وهو كان تقليد للمسلسل الأجنبي Love Boat ونفسي أعرف لماذا لا تعاد هذه الروائع

طبعآ فاكرينه كويس قوى هو معقول اى حد ينساه وكان بطوله عبد الغنى قمر( سلطان بيه ) و زيزى مصطفى وصلاح السعدنى وملك الجمل ودى كانت ثلاثيه الساقيه الضحيه الرحيل

بصراحة معلومات كتير وذاكرتك ما شاء الله

يسرنا اننا أتعرفنا عليك.

waleedselim

13-Dec-2009, 06:17 AM

rrrrrrrrrrrrrrrrrrrrrrrrrrrr

بيكتشو

17-Dec-2009, 11:03 PM

انا بحب مسلسل النوه والرايا البيضا واهالينا وبداره وذئاب الجبل وارابيسك ويوميات ونيس ونفسي احملهم واحتفظ بيهم حد يقدر يساعدني انا عضوه جديده للمنتدي

بيكتشو

17-Dec-2009, 11:08 PM

وافتكرت كمان مسلسل مطلوب عروسه واهلابالسكان وساكن قصادي ولن اعيش في جلباب ابي لوحد يقدر يساعدني في تحملهم اكون شاكره وانا معجبه جدا بالمنتدي لانه محترم جدا

samasemo

26-Dec-2009, 08:48 PM

السلام عليكم طبعا دى اول مشاركة ليا فى منتدى المحطة الموضوع شدنى قوووى وانتم فكرتونى بمسلسلات الواحد بيموووت فيها وكان قرب ينساها دلوقتى صعب تلاقى قناة بتعرض المسلسلات دى انا برضة ححاول افتكر معاكم مسلسلات بممممموت فيها
رافت الهجان
الشهد والدموع
الراية البيضا
ضميييييييييير ابلة حكمت ومزيكتة اللى تجنن
الف ليلة وليلة حسين فهمى
الف ليلة وليلة شريهان........وخاصة فاطيما وكريمة وحليمة
رحلة المليون
عمر بن عبدالعزيز
ابوالعلا البشرى
البشاااااااااااااااااااااااااااااااير يجنن
ابراهيم الطاير.....................غوايش....هى والمستحيل صفاء ابو السعود
الوسية..............على الزيبق..............البخيل وانا...وفى مسلسل بطولة عبدالله غيث كان عامل فية دور على بك الكبير حد فاكرة.......
فى بقى مسلسل مش لاقية كان مسلسل اطفال كان اسمة البحث عن السعادة كان بطولة محمد رضا وعبدالمنعم ابراهيم والتتر افتكر كان غناء عمرودياب يااااااااترى مين فاكرة
الللللللللللللله الواحد حاسس وهو بيكتب رجع لزكريات جميلة وايام جميلة اكيد مش حترجع تانى

samasemo

26-Dec-2009, 09:09 PM

http://www.as7apcool.com/vb/showthread.php?t=435206
ياااااااااااااااااااا جمااااااااااااعة اللى بيحب مسلسل الف ليلة وليلة الاذاعى دى بعض حواديت منها حواديت كاملة
واللللللللللللله تجنن

samasemo

26-Dec-2009, 09:11 PM

التائهة

29-Dec-2009, 02:21 PM

لو سمحتولي ياجماعة الموضوع ممتاز جدا واقبلوني صديقة وطماعة نفسي في تتر ابو العلا البشري الجزء الثاني لمدحت صالح

رباب حمدى

21-Feb-2010, 09:39 PM

يا اهل الفن والذوق ياريت تتكرمو ا وتدونى تتر المقدمة والنهاية لمسلسل قصر الشوق لعمنا نجيب محفوظ بطولة العملاق محمود مرسى واكون شاكرة لكم من اعماق فلبى 0
اختكم رباب حمدى

fikri60

25-Feb-2010, 12:07 AM

الحمد لله ان فيه ناس محترمين وبيفكرونا بالتراث القديم اصل المسلسلات والافلام القديمه تراث ولازم نحافظ عليه شكرا لكم على مجهودكم
فكرى

أبو حميد

25-Feb-2010, 01:30 AM

الحمد لله ان فيه ناس محترمين وبيفكرونا بالتراث القديم اصل المسلسلات والافلام القديمه تراث ولازم نحافظ عليه شكرا لكم على مجهودكم
فكرى

أهلاً أستاذ فكري نورت المنتدى وأتمنى تدخل تاني وتشوف ردي وتشارك تاني في هذا الموضوع وتحكي عن المسلسلات التي كنت تتابعها وتشترك في مواضيع تانية في المنتدى وهتلاقي في توقيعي موضوع اسمه ذكريات من زمن فات هتلاقي فيه ذكريات تانية هتعجبك إن شاء الله